କେନ୍ଦ୍ରାପଡା: ଖରସ୍ରୋତା ନଦୀ ପଠାରୁ ଚୋରାରେ ଚାଲାଣ ହେଉଥିବା ବାଲି ଗାଡିର ଭିଡିଓ ଉତ୍ତୋଳନ କରିବାରୁ ମରଣାନ୍ତକ ଆକ୍ରମଣ କରୁଛନ୍ତି ବିଜେଡି ଗୁଣ୍ଡାବାହିନୀ l ରାଜକନିକା ବ୍ଲକ ବିଜେଡି ଯୁବ ସଭାପତି ଅୟସ ସାମଲ ଦୀର୍ଘ ଦିନ ହେବ ସ୍ଥାନୀୟ ବିଜେଡି ସମର୍ଥିତ ସରପଞ୍ଚ ଧିରେନ ଜେନାଙ୍କ ସହଯୋଗରେ କିଛି ଭଡ଼ାଟିଆ ଗୁଣ୍ଡା ଲଗେଇ ଜୋର ଜବରଦସ୍ତ ବାଲି ଚୋରା ଚାଲାଣ କରିଆସୁଥିବା ଅଭିଯୋଗ , ପ୍ରତିବାଦ କଲେ କରୁଛି ଆକ୍ରମଣ l

ସରକାରୀ ଖାତାରେ ଜିଲ୍ଲାରେ ରହିଛି 20 ଟି ବାଲି ସଇରାତ । ସେଥିମଧ୍ୟରୁ ମାତ୍ର 2ଟି ସଇରାତ ନିଲାମ ହୋଇ ବାଲି ଉଠୁଥିବାବେଳେ ଆଉ 18ଟିରୁ ବିନା ନିଲାମରେ ଉଠୁଛି ବାଲି । ଜିଲ୍ଲାରେ ବହିଯାଉଥିବା 7 ନଦୀର ବିଭିନ୍ନ ପଠାରୁ ବାଲି ଚୋରା ଚାଲାଣ ହେଉଥିବା ଘଟଣା ଏବେ ଜିଲ୍ଲାର ଭୟଙ୍କର ରାଜସ୍ବ ଲୁଟ୍‌ ପ୍ରମାଣ ଦେଉଛି । କେବଳ ରାସ୍ତା ଘାଟ ସମସ୍ୟା କି ରାଜସ୍ବ ଲୁଟ୍ ନୁହେଁ, ଜିଲ୍ଲାରେ ବାଲି ଘାଟକୁ ନେଇ ଏବେ ଆଇନଶୃଙ୍ଖଳା ପରିସ୍ଥିତି ବିଗିଡ଼ିବାରେ ଲାଗିଛି । ବେଆଇନ ଭାବେ ଉଠୁଥିବା ଜିଲ୍ଲାର ଏକାଧିକ ଘାଟରେ ଏବେ ଗୋଷ୍ଠୀ ବିବାଦ ଦେଖାଦେଇଛି ।

କେନ୍ଦ୍ରାପଡ଼ାର ଚନ୍ଦନପୁର, ଇନ୍ଦୁପୁର, ଅଳପୁଅ,ଡେରାବିଶର ବସପୁର, ବେଣିପୁର ପରି ଆଳି, କନିକା, ପଟ୍ଟାମୁଣ୍ଡାଇର ଏକାଧିକ ଘାଟରେ ଗୋଷ୍ଠୀ ବିବାଦ ଘଟି 2 ମାସ ମଧ୍ୟରେ ବିଭିନ୍ନ ଥାନାରେ 10ରୁ ଉର୍ଦ୍ଧ ମାମଲା ବି ହେଲାଣି । ଏତେ ସବୁ ପରେ ବି ପୋଲିସ ପ୍ରଶାସନ ନୀରବଦ୍ରଷ୍ଟା ସାଜିଛି । ଏ ମାଫିଆ ମାନଙ୍କ ବିରୋଧରେ ବିଜେପି ସରକାର ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more