ପବିତ୍ର ସାବିତ୍ରୀ ବ୍ରତ ଉପଲକ୍ଷେ ପୁରୀ ବେଳାଭୂମିରେ ଆକର୍ଷଣୀୟ ବାଲୁକାକଳା ଦେଖିବାକୁ ମିଳିଛି । ବାଲୁକାକଳାରେ ସାବିତ୍ରୀ ବ୍ରତର ଶୁଭେଚ୍ଛା ଦେଇଛନ୍ତି ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ବିଭିନ୍ନ ଫଳ, ଲୁଗା, ଶଙ୍ଘା, ସିନ୍ଦୂର ଆଦି ସାବିତ୍ରୀ ବ୍ରତର ସାମଗ୍ରୀକୁ ନେଇ ବାଲୁକା କଳା ନିର୍ମାଣ କରିଛନ୍ତି ସୁଦର୍ଶନ । ଯାହା ପୁରା ଅବିକଳ ପରି ଲାଗୁଛି ।

ଆଜି ପବିତ୍ର ସାବିତ୍ରୀ । ଉପବାସ ରଖି ସ୍ବାମୀଙ୍କ ଦୀର୍ଘାୟୁ କାମନା କରୁଛନ୍ତି ସଧବା ନାରୀ । ମନ୍ଦିରରେ ପୂଜାର୍ଚ୍ଚନା ସହ ଉତ୍ତମ ସ୍ୱାସ୍ଥ୍ୟ କାମନା କରିଥାନ୍ତି ସଧବା ନାରୀ । ଯାହାକୁ ନେଇ ଚଳଚଞ୍ଚଳ ରହିଛି ସାରା ରାଜ୍ୟ । ବିଭିନ୍ନ ଜିଲ୍ଲାରେ ଦେବାଦେବୀଙ୍କ ପୀଠରେ ସଧବା ମହିଳାଙ୍କର ପ୍ରବଳ ଭିଡ଼ ଦେଖିବାକୁ ମିଳିଛି । ନୂଆ ଶାଢୀ ପିନ୍ଧି ଫଳ, ମୂଳ, ଶଙ୍ଖା, ସିନ୍ଦୂର ସାଙ୍ଗରେ ନେଇ ସ୍ୱାମୀର ମଙ୍ଗଳ କାମନା କରୁଛନ୍ତି ମହିଳାମାନେ ।