ବଡ଼ ଭଉଣୀ ଆତିଫା ନାଜଙ୍କ ଷ୍ଟେନ ସେଲ ପ୍ରତିରୋପଣ ପରେ ରକ୍ତକର୍କଟକୁ ହରାଇଲା ସାନ ଭଉଣୀ ଅଲିଜା ନାଜ । ବର୍ତ୍ତମାନ ଉଭୟ ସୁସ୍ଥ ଥିବା ନେଇ ମେଡିକାଲ ହେମାଟୋଲୋଜି ବିଭାଗ ଡାକ୍ତର ସୂଚନା ଦେଇଛନ୍ତି । ଫେବୃଆରୀ ୬ ତାରିଖରେ ଦୁଇ ବର୍ଷୀୟ ରକ୍ତ କର୍କଟ ଶିଶୁ ଶରୀରରେ ଆଲୋଜେନିକ୍‌ ପଦ୍ଧତିରେ ସଫଳତାର ସହିତ Bone Marrow ପ୍ରତିରୋପଣ କରାଯାଇଥିଲା। ଦୁଇରୁ ତିନି ଦିନ ମଧ୍ୟରେ ଉଭୟ ଡିସଚାର୍ଜ ହେବେ ବୋଲି ହେମାଟୋଲୋଜି ବିଭାଗ ପ୍ରଫେସର ରବୀନ୍ଦ୍ର କୁମାର ଜେନା କହିଛନ୍ତି ।

ପ୍ରତିରୋପଣ ପ୍ରକ୍ରିୟା ସମ୍ପୂର୍ଣ୍ଣ ହେବା ପରେ ଉଭୟ ଦାତା ଓ ଗ୍ରହିତା ବର୍ତ୍ତମାନ ସୁସ୍ଥ ଅଛନ୍ତି । ରାଜ୍ୟ ସରକାରଙ୍କ ନିଶୁଳ୍କ ସେବା ଜରିଆରେ ଆହୁରି ଅନେକ ରୋଗୀ ଉପକୃତ ହେବେ । ଏବଂ ଆଗକୁ ମଧ୍ୟ ଏହି ସଫଳତା ଜାରି ରହିବ ବୋଲି କହିଛନ୍ତି ଏସସିବି ଅଧିକ୍ଷକ ପ୍ରଫେସର ଡାକ୍ତର ଲୁସି ଦାସ ଓ ହେମାଟୋଲୋଜି ପ୍ରଫେସର ରବୀନ୍ଦ୍ର କୁମାର ଜେନା।

୨୦୧୪ ମସିହାରୁ ଏସସିବିରେ ଏଯାବତ ୧୭୬ ଜଣଙ୍କ Bone Marrow ପ୍ରତିରୋପଣ ସଫଳତାର ସହ କରାଯାଇଛି । ଏହା ଆଗକୁ ମଧ୍ୟ ଏହା ଜାରି ରହିବ।