ଯାଜପୁର ପରେ ଭଦ୍ରକରେ ମଧ୍ୟ ଆହୁରି ଦୁଇ ଦିନ ବଢିଲା ସ୍କୁଲ,କଲେଜ, ଅଙ୍ଗନବାଡି ଛୁଟି ଅବଧି । ଭଦ୍ରକ ଜିଲ୍ଲାରେ ବ୍ୟାପୁଛି ଝାଡ଼ାବାନ୍ତି । ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାର ସମସ୍ତ ଅଙ୍ଗନବାଡି, ସ୍କୁଲ ଓ କଲେଜକୁ ଛୁଟି ଘୋଷଣା କରାଯାଇଛି । ୨ ଦିନ ପାଇଁ ଛୁଟି ଘୋଷଣା କରିଛନ୍ତି ଭଦ୍ରକ ଜିଲ୍ଲାପାଳ ଦିଲ୍ଲୀପ ରାଉତରାୟ । ଜିଲ୍ଲାରେ 20 ଓ 21 ତାରିଖ ଦୁଇ ଦିନ ଛୁଟି ଘୋଷଣା ହୋଇଛି । ସେପଟେ ଭଦ୍ରକରେ ଡାଇରିଆର ସ୍ଥିତି ସମୀକ୍ଷା କରୁଛନ୍ତି କେନ୍ଦ୍ରିୟ ଟିମ୍‌।

ସୂଚନାନୁଯାୟୀ, ଖରାଛୁଟି ପରେ ସ୍କୁଲ, କଲେଜ, ଅଙ୍ଗନବାଡି ଗୁଡିକ 20 ତାରିଖରୁ ଖୋଲିବାକୁ ଥିଲା । ହେଲେ ଯାଜପୁର ପରେ ଭଦ୍ରକରେ ବି ଡାଇରିଆ ବ୍ୟାପୁଥିବାରୁ ଆହୁରି ଦୁଇ ଦିନ ଛୁଟି ଅବଧି ବଢାଯାଇଛି । ଶୁକ୍ରବାର , ଶନିବାର ଛୁଟି ହୋଇଥିବାବେଳେ 22 ତାରିଖ ରବିବାର ପଡୁଛି । ତେବେ 23 ରେ ସ୍କୁଲ କଲେ ଜ ଖୋଯାଇପାରେ । ସ୍କୁଲ କେବେ ଖୋଲିବ ଏହି ନିଷ୍ପତ୍ତି ଜିଲ୍ଲାପାଳଙ୍କ ଉପରେ ରଖାଯାଉଛି ।