ଭୁବନେଶ୍ୱର: ଭୁବନେଶ୍ୱର ବିମାନ ବନ୍ଦରରେ ବୋମା ଆତଙ୍କ । ବିମାନ ବନ୍ଦରରେ ବୋମା ଥିବା ନେଇ ଧମକପୂର୍ଣ୍ଣ କଲ୍ । ଧମକପୂର୍ଣ୍ଣ କଲ୍ ପରେ ବିମାନ ବନ୍ଦର କର୍ତ୍ତୃପକ୍ଷଙ୍କ ପକ୍ଷରୁ ଆଲର୍ଟ ଜାରି ହୋଇଛି । ବିମାନ ବନ୍ଦରରେ କଡାକଡି ଯାଞ୍ଚ କରାଯାଉଛି ।

ସେହିପରି ଝାରସୁଗୁଡା ବିମାନବନ୍ଦରରେ ମଧ୍ୟ ବୋମା ଆତଙ୍କ । ବୋମା ଥିବା ନେଇ ଧମକପୂର୍ଣ୍ଣ କଲ୍ ପରେ ଖାନତଲାସି କରାଯାଉଛି । ଝାରସୁଗୁଡ଼ା - ବାଙ୍ଗାଲୁରୁ ବିମାନ(6E-128)ରେ ବୋମା ଥିବା ଖବରପାଇ ଆଶଙ୍କାରେ ବିମାନରେ ଖାନତଲାସ କରାଯାଉଛି । ଦିନ ସାଢେ଼ ୩:୩୦ ସୁଦ୍ଧା ବିମାନ ଉଡାଣ କରିପାରି ନାହିଁ । ଝାରସୁଗୁଡା ବୀର ସୁରେନ୍ଦ୍ର ସାଏ ବିମାନ ବନ୍ଦର କର୍ତ୍ତୃପକ୍ଷ ସ୍ପଷ୍ଟ କରିନଥିଲେ ହେଁ ଜରୁରୀ କାରଣ ଯୋଗୁଁ ବିମାନ ଉଡାଣ ବିଳମ୍ବିତ ହୋଇଥିବା ନେଇ ସୁରକ୍ଷା ଦାୟିତ୍ଵରେ ଥିବା ବରିଷ୍ଠ ଅଧିକାରୀ କହିଛନ୍ତି । ଆଜି ଦିନ 12ଟା 35 ରେ ଝାରସୁଗୁଡ଼ା ବିମାନ ବନ୍ଦରରେ ପହଞ୍ଚିଥିବାବେଳେ 1ଟା 10 ମିନିଟରେ ଛାଡିବାର୍ ଥିଲା । କିନ୍ତୁ ବୋମା ଥିବା ସୂଚନା ମିଳିବାପରେ ବିମାନକୁ ଅଟକାଇ ତନ୍ନ ତନ୍ନ କରି ସିକ୍ୟୁରିଟି ଯାଞ୍ଚ କରାଯାଇଥିବାବେଳେ ସମସ୍ତ ଯାତ୍ରୀଙ୍କୁ ମଧ୍ୟ ଆଉ ଥରେ ଯାଞ୍ଚ କରାଯାଇଥିଲା । ତେବେ ବିମାନରୁ ସେଭଳି କୌଣସି ବୋମା କିମ୍ବା ଆପତ୍ତି ଜନକ ଜିନିଷ ମିଳି ନଥିବା ନେଇ ସୂଚନା ମିଳିଛି ।

ସେପଟେ ବାତ୍ୟା ଦାନା ପାଇଁ ଭୁବନେଶ୍ବରରେ ବିମାନସେବା ପ୍ରଭାବିତ ହୋଇଛି । ବାତ୍ୟା ପାଇଁ ଭୁବନେଶ୍ବରରେ ୪୦ ବିମାନ ସେବା ପ୍ରଭାବିତ ହେବ । ଏନେଇ ସୂଚନା ଦେଇଛନ୍ତି ଭୁବନେଶ୍ବର ବିମାନବନ୍ଦର ନିର୍ଦ୍ଦେଶକ । ଆଜି କ୍ବାଲାଲାମ୍ପପୁରକୁ ବିମାନ ସେବା ବନ୍ଦ ରହିବ । ଭୁବନେଶ୍ବରରେ ପବନର ବେଗ ୩୫ ରୁ ୪୦ MPH ରହିବ । ଏହି ତୀବ୍ରତାରେ ବିମାନ ଉଡ଼ିବା ସୁରକ୍ଷିତ ନୁହେଁ । ଆଜି ସନ୍ଧ୍ୟା ୫ ରୁ କାଲି ସକାଳ ୯ ପର୍ଯ୍ୟନ୍ତ ବିମାନ ବନ୍ଦ ରହିବ ।

ବାତ୍ୟା ଏବେ କେଉଁଠି, ପ୍ରତିଟି ବ୍ରେକିଂଙ୍ଗ ପାଇଁ ଦେଖନ୍ତୁ ଅର୍ଗସ୍‌

Argus News | argus news | -Argusnews Home: Odisha Latest News, Breaking News, Trending News, Live TV and more