ପ୍ରସନ୍ନ ପାଟ୍ଟଶାଣୀଙ୍କ ଆକ୍ଷେପର ଜବାବ ରଖିଲେ ଦେବି ମିଶ୍ର। ବାବା ଆଗରୁ ବିଜେଡିରେ ଥିଲାବେଳେ ଦଣ୍ଡ ଧରି ଦଳର ଦଉଡିକୁ ସମ୍ଭାଳି ଥିଲେ। ଯୁଆଡ଼େ ଗଲେ ବି ତାଙ୍କ ଦଣ୍ଡର ପ୍ରଭାବ ରହିବ। ରାଜନୀତି ରେ ଆକ୍ଷେପ ପ୍ରତି ଆକ୍ଷେପ ରହିଛି । ଆମ ଦଳରେ ଅସନ୍ତୋଷ କେଉଁଠି ବି ନାହିଁ କହିଛନ୍ତି ବିଜେଡି ସମନ୍ଵୟ କମିଟି ଅଧ୍ୟକ୍ଷ ଦେବୀ ମିଶ୍ର ।

ତେବେ ଶନିବାର ସକାଳୁ ନବୀନଙ୍କୁ ଆଟାକ୍ କରିଥିଲେ ପାଟ୍ଟଶାଣୀ । ସେ ନବୀନଙ୍କୁ ମିଛୁଆ ବୋଲି କହି ତାତ୍ସଲ୍ୟ କରିଥିଲେ । ସେ କହିଥିଲେ 'ନବୀନ ବାବୁ ଏତେ ତଳ ସ୍ତରକୁ ଚାଲିଯିବେ ମୁଁ କେବେ ଆଶା କରି ନଥିଲି । ସେ କାହିଁକି ଆଉ କାହା ବୋଲରେ ଏତେ ତଳକୁ ଖସି ଯାଉଛନ୍ତି ମୁଁ ଜାଣିପାରୁନି । କଣ ଆବଶ୍ୟକତା ଅଛି ନବୀନ ବାବୁଙ୍କର ଏମିତି କରିବାର ।'

'ପ୍ରଭାତ ତ୍ରିପାଠୀଙ୍କ ବିରୁଦ୍ଧରେ ଯେଉଁ କାଉଣ୍ଟର କରିଛନ୍ତି ତାହା ନବୀନଙ୍କ ଭାଷା ନୁହେଁ । ମୁଁ ସେବେ ବି କହିଥିଲି ଏବେ ବି କହୁଛି ନବୀନ ବାବୁ ତୁମେ ପାଣ୍ଡିଆନ ପାଣ୍ଡିଆନ କାହିଁକି ହେଉଛ । ଆଉ କଣ କେହି ନାହାନ୍ତି କି ବିଜେଡିରେ ।'

'ନବୀନ ବାବୁଙ୍କ ଭଳି ଲୋକ ମିଛ କହୁଛନ୍ତି ମୋର ବିଶ୍ୱାସ ହେଉନି । କିନ୍ତୁ ନବୀନଙ୍କ ମିଛ କହିବା ଅଭ୍ୟାସ ଏବେର ନୁହେଁ ବହୁ ପୂର୍ବରୁ ମଧ୍ୟ ସେ ମିଛ କହିଆସୁଛନ୍ତି । ମୋ ରାଜ୍ୟସଭା ଯିବା କଥା ମିଛ କହିଥିଲେ । ଓଡ଼ିଶାବାସୀ ତାହା ଦେଖିଛନ୍ତି । ରକ୍ଷା ହେଇଛି ନବୀନ ପଟ୍ଟନାୟକ ବଞ୍ଚି ଯାଇଛନ୍ତି । ଜୟ ଲଳିତାଙ୍କୁ ଯେଉଁ ଭଳି ରାଜନୈତିକ ହତ୍ୟା କରାଯାଇଥିଲା ନବୀନ ପଟ୍ଟନାୟକଙ୍କୁ ବି ସେଇଭଳି କରାଯାଉଥିଲା । ସେହିଭଳି ଷଡ଼ଯନ୍ତ୍ର କରୁଥିଲା ପାଣ୍ଡିଆନ । ସବୁ ସେଇ ଜଗନ୍ନାଥ ଜାଣିଛନ୍ତି ।'

ପାଣ୍ଡିଆନ କୁହନ୍ତୁ ଆସି, ରାତି ଅଧରେ ଜଗନ୍ନାଥ ମନ୍ଦିର ଯାଇ କଣ କରୁଥିଲେ । ପଣ୍ଡା ପୂଜା ପଡ଼ିହାରିମାନଙ୍କ ପୂଜା ବିଦ୍ଧିରେ ବାଧା ସୃଷ୍ଟି କରି, ରାତି ଅଧରେ ଜଗନ୍ନାଥ ମନ୍ଦିରରେ ଏମାନେ କଣ କରୁଥିଲେ ବୋଲି ପ୍ରଶ୍ନ କରିଛନ୍ତି ପ୍ରଶନ୍ନ ।

Argus News | argus news | -Argusnews Home: Odisha Latest News, Breaking News, Trending News, Live TV and more