୨୦୧୪ରେ ଘଡ଼େଇ ପରିବାର ପାଇଁ ହୋଇଥିଲା ଷଡ଼ଯନ୍ତ୍ର, ୧୦ ବର୍ଷ ପରେ କାହିଁକି ମୁହଁ ଖୋଲିଲେ...

ନବୀନଙ୍କ ନିୟନ୍ତ୍ରଣରେ ନାହାନ୍ତି ଆଉ ନେତା । ପରାଜୟ ପରେ ଦଳୀୟ ପରିଚାଳନାର ଗୁମର ଖୋଲି ବର୍ଷୁଛନ୍ତି ଜଣେ ପରେ ଜଣେ ନେତା । ଏହି କ୍ରମରେ ବିଜେଡି ବରିଷ୍ଠ ନେତା ପ୍ରଫୁଲ୍ଲ ଘଡେ଼ଇ ନିଜ ପୁଅ ପ୍ରତି ହୋଇଥିବା ଷଡଯନ୍ତ୍ରର କାହାଣୀ କହିଛନ୍ତି । ନା ନ ନେଇ କିଛି ନିର୍ଦ୍ଦିଷ୍ଟ ଲୋକଙ୍କ ଉପରେ ବର୍ଷିଛନ୍ତି ପ୍ରଫୁଲ୍ଲ । ପ୍ରୀତିରଞ୍ଜନଙ୍କୁ କୋରେଇରୁ ସୁକିନ୍ଦା ତଡିଲା କିଏ ? କୋରେଇର ଏକ ମହୋତ୍ସବରେ ପ୍ରଫୁଲ୍ଲ କହିଛନ୍ତି ଚକ୍ରାନ୍ତ କରି ପ୍ରୀତିରଞ୍ଜନକୁ କୋରେଇରୁ ସୁକିନ୍ଦାକୁ ନେଇଗଲେ । ତାଙ୍କ ଇଛା ବିରୁଦ୍ଧରେ ସୁକିନ୍ଦାରେ ଲଢ଼ିଲେ ପ୍ରୀତିରଞ୍ଜନ । ଏମିତିକି ନୋମିନେସନ ବେଳେ କାନ୍ଦିଥିଲେ ପ୍ରୀତିରଞ୍ଜନ । ଆଉ ସେହିଦିନୁ ସକ୍ରିୟ ରାଜନୀତି ରୁ ଦୁରେଇ ଯାଇଛନ୍ତି ପ୍ରଫୁଲ । ଏଥିସହ ଅଂହକାରରେ ସରକାର ଭାଙ୍ଗି ଯାଏ ବୋଲି କହି ରାଜନୀତିରେ ହଲଚଲ ସୃଷ୍ଟି କରିଛନ୍ତି ପ୍ରଫୁଲ୍ଲ । ଯାହାର ଜବାବ ରଖିଛନ୍ତି ବିଜେଡି ନେତ୍ରୀ ପ୍ରମିଳା ମଲ୍ଲିକ ।

ସେପଟେ ବିଜେଡିର ଘର ଭିତରେ ଷଡଯନ୍ତ୍ର କାରି ଖୋଜା ଖୋଜି ଭିତରେ କେଞ୍ଚ ମାରିଛନ୍ତି ସୁକିନ୍ଦା ବିଧାୟକ ତଥା ସମବାୟ ମନ୍ତ୍ରୀ ପ୍ରଦୀପ ବଳ ସାମନ୍ତ । ପ୍ରଫୁଲ୍ଲ ଘଡାଇ ଯାହା କହିଛନ୍ତି ତାର ଅର୍ଥ ହେଲା ପ୍ରୀତି ଘଡାଇ ଆଉ ସୁକିନ୍ଦା ରେ ଜିତି ପାରିବେନି। ସେଥିପାଇଁ ତାଙ୍କୁ କୋରେଇ ପଠାଇବା କୁ ଯୋଜନା କରୁଛନ୍ତି ।

ପ୍ରଫୁଲ୍ଲଙ୍କ ବୟାନ ପରେ ବିଜେଡି ରେ କିଏ ସେହି ଷଡ଼ଯନ୍ତ୍ର କାରୀ ତାକୁ ନେଇ ଆରମ୍ଭ ହୋଇଛି ବିତର୍କ । ପ୍ରଫୁଲ୍ଲ ଙ୍କ ବିଷୋଦଗାର ଯଦି ସତ ହୋଇଥାଏ ତାହାଲେ ବିଜେଡି ରେ କିଏ ସେ ଷଡଯନ୍ତ୍ର କାରି ? ଖାଲି କୋରେଇ ଓ ସୁକିନ୍ଦା ରେ ନା ରାଜ୍ୟର ଅନ୍ୟ ନିର୍ବାଚନ ମଣ୍ଡଳୀ ରେ ମଧ୍ୟ ହୋଇଛି କି ଏମିତି ଷଡଯନ୍ତ୍ର ? ଆଗକୁ ଆଉ କିଏ ମୁଁହ ଖୋଲିବେ ଦେଖିବାକୁ ବାକି ରହିଲା.....