ସୁପ୍ରିମକୋର୍ଟଙ୍କ ତାଗିତ ପରେ ମାଲକାନଗିରି SDJM କୋର୍ଟରେ ହଜାର ହେଲେ ବିବାଦୀୟ IAS ଅଫିସର୍ ତଥା ତତ୍କାଳୀନ ଜିଲ୍ଲାପାଳ ମନୀଷ ଅଗ୍ରୱାଲ । କୋର୍ଟରେ ହାଜର ପରେ ଜାମିନରେ ଗଲେ ମନୀଷ ଅଗ୍ରଓ୍ୱାଲ। ବ୍ୟକ୍ତିଗତ ସହାୟକ ଦେବନାରାୟଣ ପଣ୍ଡାଙ୍କ ମୃତ୍ୟୁ ଘଟଣାରେ କୋର୍ଟରେ ହାଜର । ଜାମିନ ବିହୀନ ଗିରଫ ପରୱାନା ଜାରି ସତ୍ତ୍ବେ କୋର୍ଟରେ ହାଜର ନହୋଇ ବାରମ୍ବାର ସମୟ ଗଡାଇ ଚାଲିଥିଲେ । ଶେଷଥର ପାଇଁ ସର୍ବୋଚ୍ଚ ନ୍ୟାୟାଳୟ ପକ୍ଷରୁ ତାଗିଦ ପରେ ଆଜି ମନୀଷଙ୍କ ସମେତ ତାଙ୍କ ୩ ସହଯୋଗୀ ଡାଟା ଏଣ୍ଟ୍ରି ଅପରେଟର ଭି. ବେଣୁ ଓ ଷ୍ଟେନୋ ପ୍ରକାଶ ଚନ୍ଦ୍ର ସ୍ୱାଇଁ ମାଲକାନଗିରି SDJMରେ ହାଜର ହୋଇଛନ୍ତି । ପୂର୍ବରୁ ଗତ ମେ ୬ ତାରିଖରେ ଜଣେ ସହଯୋଗୀ ଅବସରପ୍ରାପ୍ତ ors ଅଧିକାରୀ ଭଗବାନ ପାଣିଗ୍ରାହୀ କୋର୍ଟରେ ଆତ୍ମସମର୍ପଣ କରିଥିଲେ । 

ପରେ ତାଙ୍କୁ ଜାମିନରେ ଛାଡିଥିଲେ ମାଲକାନଗିରି sdjm । ୨୦୧୯ ଡିସେମ୍ବର ୨୭ ତାରିଖରେ ସନ୍ଦେହଜନକ ଭାବେ ନିଖୋଜ ହୋଇଯାଇ ଥିଲେ ମାଲକାନଗିରି ତତ୍କାଳୀନ ଜିଲ୍ଲାପାଳ ମନୀଷ ଅଗ୍ରୱାଲଙ୍କ ବ୍ୟକ୍ତିଗତ ସହାୟକ ଦେବ ନାରାୟଣ ପଣ୍ଡା । ଦିନକ ପରେ ମାଲକାନଗିରି ଉପଖଣ୍ଡ ସାରିଗୁଡା ଜଳ ଭଣ୍ଡାରରୁ ଦେବ ନାରାୟଣଙ୍କ ମୃତଦେହ ଠାବ ହୋଇଥିଲା । ଦେବ ନାରାୟଣଙ୍କୁ ହତ୍ୟା କରାଯାଇଥିବା ଅଭିଯୋଗ ଆଣିଥିଲେ ପତ୍ନୀ ବନଜା ପଣ୍ଡା । ବନଜା, ପ୍ରଥମେ ମାଲକାନଗିରି କୋର୍ଟ ପରେ ହାଇ କୋର୍ଟ ଓ ପରେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।