Odisha News / ଦିଲ୍ଲୀରେ ଓଡ଼ିଶା ଜର୍ଣ୍ଣାଲିଜିମ ଆୱାର୍ଡ ପାଇଲେ ବରିଷ୍ଠ ସାମ୍ବାଦିକ ସଂଗ୍ରାମ ଷଡ଼ଙ୍ଗୀ

ନୂଆଦିଲ୍ଲୀ: ବରିଷ୍ଠ ସାମ୍ବାଦିକ ସଂଗ୍ରାମ କେଶରୀ ଷଡ଼ଙ୍ଗୀଙ୍କୁ ମିଳିଛି ଓଡ଼ିଶା ଜର୍ଣ୍ଣାଲିଜିମ୍ ଆୱାର୍ଡ । ଶନିବାର ନୂଆଦିଲ୍ଲୀରେ ପଲ୍ଲୀବାଣୀ ମିଶନ ପକ୍ଷରୁ ଆୟୋଜିତ ଇଣ୍ଡିଆନ ଓ ଓଡ଼ିଶା ଜର୍ଣ୍ଣାଲିଜିମ ପୁରସ୍କାର କାର୍ଯ୍ୟକ୍ରମରେ ପୁରସ୍କୃତ ହୋଇଛନ୍ତି ସଂଗ୍ରାମ ଷଡ଼ଙ୍ଗୀ । କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଯୋଗଗୁରୁ ବାବା ରାମଦେବ ଅତିଥି ଭାବେ ସଂଗ୍ରାମ ଷଡ଼ଙ୍ଗୀଙ୍କୁ ପୁରସ୍କାର ପ୍ରଦାନ କରିଛନ୍ତି ।

ଦିଲ୍ଲୀର ପୁରାତନ ସଂଗଠନ ହେଉଛି ପଲ୍ଲୀବାଣୀ ମିଶନ । ଓଡ଼ିଶାର ଜଣେ ଜଣାଶୁଣା ସାମ୍ବାଦିକ ତଥା ଉପସ୍ଥାପକ ଭାବେ ସଂଗ୍ରାମଙ୍କର ବେଶ ଲୋକପ୍ରିୟତା ରହିଛି । ତାଙ୍କର ନିଜସ୍ୱ କାର୍ଯ୍ୟକ୍ରମ 'ଅର୍ଗସ ପଡ୍‌କାଷ୍ଟ' ଓଡ଼ିଶାର ସବୁଠାରୁ ଅଧିକ ଲୋକପ୍ରିୟ ହେବା ସହ ଏକ ନମ୍ବର ପ୍ରୋଗ୍ରାମ ହୋଇପାରିଛି । ଏହାସହ ଅର୍ଗସ ଡିଜିଟାଲର ସମ୍ପାଦକ ଦାୟିତ୍ୱ ମଧ୍ୟ ତୁଲାଉଛନ୍ତି ସଂଗ୍ରାମ କେଶରୀ ଷଡ଼ଙ୍ଗୀ ।

ଓଡ଼ିଶା ଜର୍ଣ୍ଣାଲିଜିମ ଆୱାର୍ଡର ଅଷ୍ଟମ ସଂସ୍କରଣରେ ଅର୍ଗସ ଡିଜିଟାଲର ସମ୍ପାଦକ ସଂଗ୍ରାମ କେଶରୀ ଷଡ଼ଙ୍ଗୀଙ୍କ ସହ ଆଉ ୨ ଜଣ ଓଡ଼ିଆ ସାମ୍ବାଦିକ ପୁରସ୍କୃତ ହୋଇଛନ୍ତି । ଦ ହିନ୍ଦୁର ସ୍ଵତନ୍ତ୍ର ପ୍ରତିନିଧି ସତ୍ୟ ସୁନ୍ଦର ବାରିକ ଏବଂ ସମ୍ବାଦର ସମ୍ବଲପୁର ଜିଲ୍ଲା ପ୍ରତିନିଧି ରତ୍ନାକର ଭୋଇଙ୍କୁ ମିଳିଛି ଓଡ଼ିଶା ଜର୍ଣ୍ଣାଲିଜିମ ଆୱାର୍ଡ ।

ସାହିତ୍ୟ, ସଂସ୍କୃତି ଏବଂ ସାମ୍ବାଦିକତା କ୍ଷେତ୍ରରେ କାର୍ଯ୍ୟ କରୁଥିବା ଦିଲ୍ଲୀର ପୁରାତନ ସଂଗଠନ ପଲ୍ଲୀବାଣୀ ମିଶନ ପକ୍ଷରୁ ଚଳିତ ବର୍ଷ ଇଣ୍ଡିଆନ ଜର୍ଣ୍ଣାଲିଜିମ ଆୱାର୍ଡ ଦେଶର ତିନି ଜଣ ବିଶିଷ୍ଟ ଏବଂ ପ୍ରତିଭାବାନ ସାମ୍ବାଦିକଙ୍କୁ ମିଳିଛି । ଏହି ମର୍ଯ୍ୟଦାଜନକ ସମ୍ମାନରେ ସମ୍ମାନିତ ହୋଇଛନ୍ତି ଆଜତକର କାର୍ଯ୍ୟନିର୍ବାହୀ ସମ୍ପାଦକ ସଞ୍ଜୀବ ପାଲିୱାଲ, ଦୈନିକ ହିନ୍ଦୁସ୍ଥାନ ସମ୍ବାଦପତ୍ରର ପରିଚାଳନା ସମ୍ପାଦକ ପ୍ରତାପ ସୋମବଂଶୀ ଏବଂ ଡିଜିଟାଲ ଗଣମାଧ୍ୟମ ସଂସ୍ଥା, ଲଲନଟପର ପ୍ରତିଷ୍ଠାତା ସମ୍ପାଦକ ସୌରଭ ଦ୍ୱିବେଦୀ ।