'ମୋ ବସ୍'କୁ ପଛରୁ ପିଟିଲା 'ମୋ ବସ୍' ଓ କାର୍, ଏକାଧିକ ଆହତ
Key Points
ଭୁବନେଶ୍ଵରରେ ପୁଣି ସିରିଜ୍ ଦୁର୍ଘଟଣା
'ମୋ ବସ୍'କୁ ପଛରୁ ପିଟିଲା 'ମୋ ବସ୍'
ଭୁବନେଶ୍ଵର: ରାଜଧାନୀ ଭୁବନେଶ୍ଵରରେ ପୁଣି ସିରିଜ୍ ଦୁର୍ଘଟଣା । 'ମୋ ବସ୍' ଓଭରଟେକିଂ ବେଳେ ପିଟି ହେଲା ୪ରୁ ଅଧିକ ଗାଡ଼ି । ସିରିଜ୍ ଦୁର୍ଘଟଣାରେ ଏକାଧିକ ଆହତ ହୋଇଥିବା ବେଳେ ସମସ୍ତଙ୍କୁ କ୍ୟାପିଟାଲ୍ ହସ୍ପିଟାଲ୍ରେ ଭର୍ତ୍ତି କରାଯାଇଛି ।
ରାଜମହଲରୁ ମାଷ୍ଟରକ୍ୟାଣ୍ଟିନ ଯାଉଥିବା ବେଳେ ଏହି ସିରିଜ୍ ଦୁର୍ଘଟଣା ହୋଇଛି । ଦୁର୍ଘଟଣାରେ ବିଏମସି ପିଆରଓଙ୍କ ସହ କିଛି ଲୋକ ଆହତ ହୋଇଛନ୍ତି । ଘଟଣାସ୍ଥଳରେ କ୍ୟାପିଟାଲ ଥାନା ପୋଲିସ ପହଞ୍ଚି ସମସ୍ତ ଆହତଙ୍କୁ ମେଡିକାଲ୍ ପଠାଇବା ସହ ଦୁର୍ଘଟଣାଗ୍ରସ୍ତ ଗାଡ଼ି ଗୁଡ଼ିକୁ ତଦନ୍ତ ପାଇଁ ଥାନାକୁ ନେଇଛି ।
📱 Get Argus News App
✨ଏକ ଏସି 'ମୋ ବସ୍'କୁ ଆଉ ଏକ ନନ୍ ଏସି 'ମୋ ବସ୍' ପଛରୁ ଧକ୍କା ଦେଇଥିଲା । ଫଳରେ ନନ୍ ଏସି 'ମୋ ବସ୍'ର ସମ୍ମୁଖ ଭାଙ୍ଗ ସମ୍ପୂର୍ଣ୍ଣ ଭାଙ୍ଗି ଯାଇ ତଳେ ପଡ଼ିଥିଲା । ନନ୍ ଏସି 'ମୋ ବସ୍' ପଛରୁ ଆସୁଥିବା ଆଉ ୨ଟି କାର୍ ମଧ୍ୟ ଦୁର୍ଘଟଣାର ଶିକାର ହୋଇଥିଲେ । ଦୁର୍ଘଟଣା ଯୋଗୁଁ କିଛି ସମୟ ପାଇଁ ରାଜମହଲ-ମାଷ୍ଟରକ୍ୟାଣ୍ଟିନ ରାସ୍ତାରେ ଟ୍ରାଫିକ୍ ଜାମ ହୋଇଥିଲା ।