ଭଦ୍ରକ ଧାମନଗର ବ୍ଲକର ଏକାଧିକ ପଞ୍ଚାୟତ ଏବେ ବି ଜଳବନ୍ଦୀ

ଭଦ୍ରକ, ବାଲେଶ୍ୱର ଓ ଯାଜପୁରରେ ବନ୍ୟା ବିପତ୍ତି । ଭଦ୍ରକ ଧାମନଗର ବ୍ଲକର ଏକାଧିକ ପଞ୍ଚାୟତ ଏବେ ବି ଜଳବନ୍ଦୀ । ଶହ ଶହ ହେକ୍ଟର ଚାଷ ଜମିରେ ଧାନ ଫସଲ କ୍ଷତିଗ୍ରସ୍ତ । ସୁବର୍ଣ୍ଣରେଖା ଓ ଜଳକା ବନ୍ୟାରେ ବାଲେଶ୍ବର, ବସ୍ତା, ବାଲିଆପାଳ, ଭୋଗରାଇ ବ୍ଲକର ଶତାଧିକ ଗାଁ ପ୍ରଭାବିତ । ଯାଜପୁର ଦଶରଥପୁରରେ ବି ବିପନ୍ନଙ୍କ ଦୁର୍ଦ୍ଦଶା ବଢିଛି ।ନଦୀରେ ପାଣି କମୁଛି ସତ, ହେଲେ ଏବେ ବି ଗାଁ ଦାଣ୍ଡରେ ଚାଲୁଛି ଡଙ୍ଗା । ବୈତରଣୀ ନଦୀରେ ଆସିଥିବା ବନ୍ୟାରେ ଅଧିକ ପ୍ରଭାବିତ ହୋଇଛି ଭଦ୍ରକ ଜିଲ୍ଲା ଧାମନଗର ବ୍ଲକର ହସନାବାଦ ଓ ଅର୍ଜୁନପୁର ପଞ୍ଚାୟତ ।

ବନ୍ୟାଜଳ କମି ଯାଇଥିବାରୁ ଲୋକେ ଘରୁ ବାହାରିଛନ୍ତି । ଧୂଷୁରୀ- ହସନାବାଦ ମୁଖ୍ୟ ରାସ୍ତାର ପଞ୍ଚାୟତ ଅଫିସ ନିକଟରେ ବନ୍ୟା ପାଣି ପ୍ରବାହିତ ହେଉଛି । ଶହ ଶହ ହେକ୍ଟର ଚାଷ ଜମିରେ ବନ୍ୟାଜଳ ମାଡିଯାଇ ଧାନ ତଳି ଓ ରୁଆ ନଷ୍ଟ କରିଦେଇଛି । ପରିବା ଚାଷ ବି ନଷ୍ଟ ହୋଇଛି । ଗୋରୁ, ଗାଈ ମାନେ ନଦୀ ବନ୍ଧ ଉପରେ ଆଶ୍ରୟ ନେଇଛନ୍ତି । 

ଅଧିକ ପଢ଼ନ୍ତୁ ଓଡ଼ିଶା ଖବର: