ଶ୍ୟାମ ମେଟାଲିକ୍ସ ଆଣ୍ଡ ଏନର୍ଜି ଲିମିଟେଡ୍ (SMEL) ଗୁରୁବାର ଦିନ 2031 ପାଇଁ ବ୍ଲୁପ୍ରିଣ୍ଟ ଘୋଷଣା କରିଛି। ଉତ୍ପାଦନ କ୍ଷମତା ବୃଦ୍ଧି ପାଇଁ 10,000 କୋଟି ଟଙ୍କାର ପୁଞ୍ଜି ନିବେଶ କରିବାର ଯୋଜନା ପ୍ରସ୍ତୁତ କରିଛି। ଏହାସହ ଟପଲାଇନ୍ 2.5 ଗୁଣ ବୃଦ୍ଧି କରି 40,000 କୋଟି ଟଙ୍କା କରିବାକୁ ଲକ୍ଷ୍ୟ ରଖିଛି।

ଏକ ବିବୃତ୍ତିରେ କୁହାଯାଇଛି ଯେ, କମ୍ପାନୀ ପଶ୍ଚିମବଙ୍ଗ, ଓଡ଼ିଶା ଏବଂ ମଧ୍ୟପ୍ରଦେଶରେ ବ୍ରାଉନଫିଲ୍ଡ ସମ୍ପ୍ରସାରଣ ଯୋଜନା କରୁଛି ଯାହା କାର୍ଯ୍ୟକ୍ଷେତ୍ରରେ ବିପଦକୁ କମ କରିବ ଏବଂ ନିୟୋଜିତ ପୁଞ୍ଜି ଉପରେ ଅଧିକ ରିଟର୍ଣ୍ଣ ଦେବ।
କମ୍ପାନୀ ୨୦୩୧ ସୁଦ୍ଧା ଏହାର ସାମଗ୍ରିକ ଉତ୍ପାଦନ କ୍ଷମତାକୁ ୧୫ ନିୟୁତ ଟନ୍‌ରୁ ୨୭ ନିୟୁତ ଟନକୁ ବୃଦ୍ଧି କରିବାକୁ ଲକ୍ଷ୍ୟ ରଖିଛି। ଏବଂ ଟପଲାଇନରେ ୨.୫ ଗୁଣ ବୃଦ୍ଧି କରି ୪୦,୦୦୦ କୋଟି ଟଙ୍କା କରିବାକୁ ଲକ୍ଷ୍ୟ ରଖିଛି।

କମ୍ପାନୀ କହିଛି ଯେ, ପ୍ରତିରକ୍ଷା, ରେଲଓ୍ବେ, ଇଞ୍ଜିନିୟରିଂ ଏବଂ ରିଅଲ ଇଷ୍ଟେଟରେ ଡାଉନଷ୍ଟ୍ରିମ ଏବଂ ଉଚ୍ଚମୂଲ୍ୟ ପ୍ରୟୋଗ ଉପରେ ଅଧିକ ଧ୍ୟାନ ଦିଆଯିବା ସହିତ ସ୍ବତନ୍ତ୍ର ଷ୍ଟେନଲେସ ଷ୍ଟିଲ, ଫ୍ଲାଟ ଉତ୍ପାଦ ଏବଂ ଆଲୁମିନିୟମ କ୍ଷେତ୍ରରେ ଅଧିକ ଦୃଷ୍ଟି ଦିଆଯିବ।
SMEL ଦାବି କରିଛି ଯେ, ଏହା ପ୍ରଯୁକ୍ତିବିଦ୍ୟା ଅପଗ୍ରେଡ ପ୍ରକ୍ରିୟା ନବସୃଜନ, ଶକ୍ତି ଦକ୍ଷତା ଏବଂ ଡାଉନଷ୍ଟ୍ରିମ ସମନ୍ବୟ ପାଇଁ ପ୍ରାୟ ୧୦,୦୦୦ କୋଟି ଟଙ୍କା ନିବେଶ କରିବ।

କମ୍ପାନୀ ଆଶା କରୁଛି ଯେ, ସମ୍ପ୍ରସାରଣ ପରେ EBITDA ମାର୍ଜିନ ୨୦୦-୩୦୦ ବେସିସ ପଏଣ୍ଟ ପର୍ଯ୍ୟନ୍ତ ଉନ୍ନତ ହେବ, ଯାହା କାର୍ଯ୍ୟକ୍ଷମ ଲିଭେରଜ ଏବଂ ଉନ୍ନତ ଉତ୍ପାଦ ମିଶ୍ରଣ ପ୍ରାପ୍ତି ଦ୍ବାରା ସହାୟତା ପାଇବ। କୋଲକାତା ମୁଖ୍ୟାଳୟ କମ୍ପାନୀ ଏହାର ରପ୍ତାନି ରାଜସ୍ବକୁ ୧୫୦ ନିୟୁତ USD ରୁ ୩୦୦ ନିୟୁତ USDକୁ ଦ୍ବିଗୁଣିତ କରିବାକୁ ମଧ୍ୟ ଲକ୍ଷ୍ୟ ରଖିଛି।

ଏହାର ମୂଲ୍ୟ ଦକ୍ଷତା ଏବଂ କଞ୍ଚାମାଲ ସୁରକ୍ଷାକୁ ସମର୍ଥନ କରିବାପାଇଁ କମ୍ପାନୀ ମହାରାଷ୍ଟ୍ରରେ ଲୁହାପଥର ଖଣି ସମ୍ପତ୍ତିକୁ ସୁରକ୍ଷିତ କରିଛି। ମୂଲ୍ୟଯୁକ୍ତ ଉତ୍ପାଦ ବିକାଶ ପାଇଁ ୟୁରୋପୀୟ ପ୍ରଯୁକ୍ତିବିଦ୍ୟା ସହଭାଗୀତାକୁ ବ୍ୟବହାର ଜାରି ରଖିବ ବୋଲି ବିବୃତ୍ତିରେ କୁହାଯାଇଛି।
ବିଶ୍ଲେଷକମାନେ ସୂଚନା ଦେଇଛନ୍ତି ଯେ ଭିଜନ୍ ୨୦୩୧ ଉତ୍ପାଦନ କ୍ଷମତାକୁ ୨୭ MTPA ପର୍ଯ୍ୟନ୍ତ ବୃଦ୍ଧି କରି କାର୍ଯ୍ୟକ୍ଷମ ହେବ।
କଂପାନୀ କହିଛି ମୂଳ ପୁଂଜିର ସୁଧ ଓ ଟ୍ୟାକ୍ସ ପରେ ୨୦୦-୩୦୦ ବେସିସ ପଏଣ୍ଟ ପର୍ଯ୍ୟନ୍ତ ଲାଭ ପାଇଁ ଲକ୍ଷ୍ୟ ରଖାଯାଇଛି। ହେଲେ ଏହା ବଜାରର ପରିସ୍ଥିତି ଉପରେ ହିଁ ନିର୍ଭର କରୁଛି।