ଚିଲିକାରେ ସେତୁ ପାଇଁ ଆଗକୁ ପାଦ ବଢାଇଲେ ସରକାର
Key Points
- ସତ ହେବ ସିଗ୍ନେଚର୍ ସେତୁ
- ଚିଲିକାରେ ସେତୁ ପାଇଁ ଆଗକୁ ପାଦ ବଢାଇଲେ ସରକାର
- ନିର୍ବାଚନ ପୂର୍ବରୁ କଥା ଦେଇ ଥିଲେ ଗଡକରି
- ନୂଆ ସରକାର ଆସିବାର ୨ ମାସ ଭିତରେ DPR ଅନୁମୋଦନ ପାଇଁ ଗଲା ଚିଠି
- କେନ୍ଦ୍ର ସଡ଼କ ପରିବହନ ମନ୍ତ୍ରାଳୟକୁ ଚିଠି ଲେଖିଲା ଜାତୀୟ ରାଜପଥ କର୍ତ୍ତୃପକ୍ଷ
- ନିଜ ନେତାଙ୍କ ସ୍ୱାର୍ଥ ପାଇଁ ସିଗ୍ନେଚର ସେତୁରେ ବାଧା ସୃଷ୍ଟି କରିଥିଲେ ବିଜେଡ଼ି ସରକାର
- ଲୋକଙ୍କ ଆଶା ଡବଲ ଇଂଜିନ ସରକାରରେ ପୂରଣ ହେବ ସ୍ଵପ୍ନ
ଅର୍ଗସ ବ୍ୟୁରୋ: ଜହ୍ନିକୁଦରୁ ସାତପଡ଼ା , ଚିଲିକା ଉପରେ ହେବ ସିଗ୍ନେଚର ସେତୁ , ଅର୍ଥାତ ତଳେ ରହିବ ନାହିଁ ପିଲର । ଚିଲିକା ଭିତରେ ଥିବା ତୁଇଟି ଟାପୁ ମହିଷା ଓ ବରହମ୍ ପୁରକୁ ଏହା ସଂଯୋଗ କରିବ । ଗୋଟିଏ ସେତୁ ଜହ୍ନି କୁଦ ରୁ ମିହିଷା ପର୍ଯ୍ୟନ୍ତ ହେବ ଓ ଅନ୍ୟଟି ବରହମ୍ ପୁର ରୁ ସାତପଡା ପର୍ଯ୍ୟନ୍ତ ହେବ । ଚିଲିକା ଉପରେ ଦେଢ଼ କିଲୋମିଟର ଲେଖାଏଁ ଦୁଇଟି ସେତୁ ପାଇଁ DPR ଚୂଡ଼ାନ୍ତ କରି କେନ୍ଦ୍ର ସଡ଼କ ପରିବହନ ବିଭାଗକୁ ପଠାଇଛନ୍ତି ଜାତୀୟ ରାଜପଥ କର୍ତ୍ତୃପକ୍ଷ । ସାତପଡାରୁ ଜହ୍ନି କୁଦ ସମୁଦାୟ ୭.୬ କିଲୋମିଟର ରାସ୍ତା ଓ ପୋଲ ଭାରତ ମାଳା ପ୍ରକଳ୍ପରେ ହେବ ।
ପୂର୍ବରୁ କୋଷ୍ଟାଲ ହାଇୱେରେ ଏହା ସ୍ଥାନ ପାଇଥିଲା । ତେବେ କିଛି ବିଜେଡ଼ି ନେତା ଙ୍କ ନିଜ ସ୍ୱାର୍ଥ ପାଇଁ ଏହାର ଗତିପଥ ପରିବର୍ତ୍ତନ କରାଗଲା । ପୂର୍ବ ସରକାର ବାହାନା କଲେ ପରିବେଶ ସନ୍ତୁଳନ ବିଗିଡି ଯିବ । ତେବେ ସ୍ଥାନୀୟ ଲୋକଙ୍କ ଦାବିକୁ ଦେଖି ଚିଲକା ଉପରେ ସିଗ୍ନେଚର ସେତୁ ପାଇଁ କଥା ଦେଇଛନ୍ତି କେନ୍ଦ୍ର ସଡ଼କ ପରିବହନ ମନ୍ତ୍ରୀ ।
ବର୍ଷ ବର୍ଷ ଧରି ଚିଲିକା ଭିତରେ ଏମିତି ବିପଦପୂର୍ଣ୍ଣ ଭାବେ ଜଳଯାତ୍ରା କରୁଛନ୍ତି ଲୋକେ । କୃଷ୍ଣପ୍ରସାଦ ବ୍ଳକ୍ ର ୨୧ ପଂଚାୟତ ରୁ ୧୪ ପଂଚାୟତ ରହିଛି ଜହ୍ନି କୁଦ ପଟରେ ଓ ୭ ଟି ପଂଚାୟତ ରହିଛି ସାତପଡା ପଟରେ । ପଂଚାୟତ ଅଫିସକୁ ଯିବାକୁ ହେଲେ ଏମାନଙ୍କୁ ଡଙ୍ଗା ପାଇଁ ଘଣ୍ଟା ଘଣ୍ଟା ଅପେକ୍ଷା କରିବାକୁ ପଡୁଛି । ଗୁରୁତର ରୋଗୀଙ୍କୁ ପୁରୀ ନେବାକୁ ହେଲେ ନାକେଦମ୍ ହେଉଛନ୍ତି ଲୋକେ । ଦୀର୍ଘ ଦିନ ଧରି ଦାବି କରିବା ପରେ ଏମାନେ ବାଧ୍ୟ ହୋଇ ଜଳ ସତ୍ୟାଗ୍ରହ କରି ସରକାରଙ୍କ ଦୃଷ୍ଟି ଆକର୍ଷଣ କରିଥିଲେ ।
ପୂର୍ବରୁ ୨୦୨୧ ମସିହାରେ କୋଷ୍ଟାଲ୍ ହାଇୱେ ପ୍ରକଳ୍ପରେ DPR କରାଯାଇ ୬୧୯ କୋଟିର ବ୍ୟୟବରାଦ ହୋଇଥିଲା । ତେବେ ରାଜ୍ୟ ସରକାରଙ୍କର ଆନ୍ତରିକତା ଅଭାବରୁ ଏହା ଅଧାରେ ଅଟକି ଥିଲା । ଏବେ ୩୯୭ କୋଟି ର ବ୍ୟୟ ବରାଦ ହୋଇଛି । ଅପେକ୍ଷା କେବେ ପୂରଣ ହେବ ଲୋକଙ୍କ ଶହ ଶହ ବର୍ଷର ସ୍ଵପ୍ନ ।
