Argus News - ଗୋଟିଏ ଦିନରେ ସରିବ ପକ୍ଷୀ ଗଣନା କାର୍ଯ୍ୟ

ମୟୂରଭଞ୍ଜ: ଆସନ୍ତାକାଲିଠୁ ଏକକାଳୀନ ପକ୍ଷୀ ଗଣନା । ମୟୂରଭଞ୍ଜ ଜିଲ୍ଲାର ଶିମିଳିପାଳ ଉତ୍ତର, ଦକ୍ଷିଣ ଡିଭିଜନ୍ ସହ କରଞ୍ଜିଆ, ରାଇରଙ୍ଗପୁର ଓ ବାରିପଦା ବନଖଣ୍ଡ ଅଧୀନରେ ଥିବା ଜଳାଶୟରେ ପକ୍ଷୀ ଗଣନା କରାଯିବ । ୧୮ ତାରିଖ ସକାଳ ୬ ଘଟିକାରୁ ୧୧ ଘଟିକା ପର୍ଯ୍ୟନ୍ତ ଏହି ବାର୍ଡ ସେନ୍ସସ୍ ପ୍ରକ୍ରିୟା ଚାଲିବ । ବିଶେଷ କରି ବାରିପଦା ବନଖଣ୍ଡ ଅଧୀନରେ ଥିବା ୭ ଟି ରେଞ୍ଜର ୪୪ ଟି ଜଳାଶୟରେ ଏହା ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି ।

ନିର୍ଭୁଲ ଭାବେ ପକ୍ଷୀ ଗଣନା ପାଇଁ ଅତ୍ୟାଧୁନ ଉପକରଣର ବ୍ୟବହାର କରାଯିବ । ସେହିପରି ଚିଲିକା ବନ୍ୟପ୍ରାଣୀ ଡିଭିଜନ ଅଧିନରେ ଥିବା ୫ଟି ରେଞ୍ଜ ବାଲୁଗାଁ, ରମ୍ଭା, ସାତପଡ଼ା, ନୂଆପଡା, ଟାଙ୍ଗି ରେଞ୍ଜ ଇଲାକାରେ ହେବ ପକ୍ଷୀ ଗଣନା । ଗୋଟିଏ ଦିନରେ ସରିବ ପକ୍ଷୀ ଗଣନା କାର୍ଯ୍ୟ । ସେପଟେ ଚନ୍ଦକାରେ ପକ୍ଷୀ ଗଣନା ଲାଗି ବନ୍ୟପ୍ରାଣୀ ବିଭାଗ ପକ୍ଷରୁ ୨୨ଟି ଟିମ୍ ପ୍ରସ୍ତୁତ।