କୋଣାର୍କ ମନ୍ଦିରର ଐତିହ୍ୟକୁ ନେଇ ଛୋଟ ଫିଲ୍ମ ଦେଖିଲେ ସିଙ୍ଗାପୁର ରାଷ୍ଟ୍ରପତି
Key Points
ପତ୍ନୀଙ୍କ ସହ କୋଣାର୍କ ମନ୍ଦିର ବୁଲିଲେ ସିଙ୍ଗାପୁର ରାଷ୍ଟ୍ରପତି ଥର୍ମନ ସନ୍ମୁଗରତନମ । ପ୍ରଥମେ IOCL ବ୍ୟାଖ୍ୟାନ କେନ୍ଦ୍ରରେ କୋଣାର୍କ ମନ୍ଦିରର ଐତିହ୍ୟକୁ ନେଇ ସେ ଏକ ଛୋଟ ଫିଲ୍ମ ଦେଖିଛନ୍ତି ସିଙ୍ଗାପୁର ରାଷ୍ଟ୍ରପତି ।
ପୁରୀ: ପତ୍ନୀଙ୍କ ସହ କୋଣାର୍କ ମନ୍ଦିର ବୁଲିଲେ ସିଙ୍ଗାପୁର ରାଷ୍ଟ୍ରପତି ଥର୍ମନ ସନ୍ମୁଗରତନମ । ପ୍ରଥମେ IOCL ବ୍ୟାଖ୍ୟାନ କେନ୍ଦ୍ରରେ କୋଣାର୍କ ମନ୍ଦିରର ଐତିହ୍ୟକୁ ନେଇ ସେ ଏକ ଛୋଟ ଫିଲ୍ମ ଦେଖିଛନ୍ତି ସିଙ୍ଗାପୁର ରାଷ୍ଟ୍ରପତି । ପରେ କୋଣାର୍କ ମନ୍ଦିରର କାରୁକାର୍ଯ୍ୟ ବୁଲି ଦେଖିଥିଲେ । ରାଷ୍ଟ୍ରପତିଙ୍କ ସହ ଉପସ୍ଥିତ ଥିଲେ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡା ।
ସେପଟେ ପୁରୀ ଗସ୍ତ ଅବସରରେ ଐତିହ୍ୟ ଗ୍ରାମ ରଘୁରାଜପୁରରେ ଶିଳ୍ପୀଙ୍କ ସହ ଆଲୋଚନା କରି ସାଙ୍ଗରେ କିଛି କଳାକୃତି ସାମଗ୍ରୀ ନେଇଛନ୍ତି ସିଙ୍ଗାପୁର ରାଷ୍ଟ୍ରପତି । କ୍ରାପ୍ଟ ସେଣ୍ଟର ବୁଲି ଦେଖିବା ସହ ସେ ଶିଳ୍ପୀମାନଙ୍କ ସହ ଆଲୋଚନା କରିଥିଲେ। ରଘୁରାଜପୁର ଗ୍ରାମବାସୀଙ୍କ ତରଫରୁ ସିଙ୍ଗାପୁର ରାଷ୍ଟ୍ରପତିଙ୍କୁ ନାଗାର୍ଜୁନ ବେଶ ପଟ୍ଟଚିତ୍ର ଉପହାର ସ୍ବରୂପ ପ୍ରଦାନ କରାଯାଇଥିଲା । ତାଳପତ୍ରରେ ଖୋଦେଇ ହୋଇଥିବା ରାମାୟଣ, କୃଷ୍ଣଲୀଳା କଥାବସ୍ତୁ ସହ 108 କଳସ ଥିବା ଗଣେଶଙ୍କୁ ସେ କିଣିଥିଲେ ।
📱 Get Argus News App
✨ପୁରୀର ଯୁବଶିଳ୍ପୀ ଆୟୁଷ ମହାପାତ୍ର ସିଙ୍ଗାପୁର ରାଷ୍ଟ୍ରପତିଙ୍କୁ ଏକ ଫଟୋଚିତ୍ର ଉପହାର ସ୍ବରୂପ ପ୍ରଦାନ କରିଥିଲେ । ଫଟୋଚିତ୍ରରେ ମହାପ୍ରଭୁଙ୍କ ଶ୍ରୀମନ୍ଦିର ସହ ରାଷ୍ଟ୍ରପତି ଓ ତାଙ୍କ ଧର୍ମପତ୍ନୀଙ୍କ ଫଟୋକୁ ସୁନ୍ଦର ଭାବରେ ଆଙ୍କି ଆୟୁଷ ରାଷ୍ଟ୍ରପତିଙ୍କୁ ଉପହାର ସୂରୂପ ପ୍ରଦାନ କରିଥିଲେ ।