ଓଡ଼ିଶାରେ SIRକୁ ନେଇ ମୁଖ୍ୟ ନିର୍ବାଚନ ଅଧିକାରୀଙ୍କ ବୟାନ । ଚିଫ୍ ଇଲେକ୍ଟ୍ରୋରାଲ୍ ଅଫିସର ଏସ୍. ଗୋପାଳନ ପୁଣି ଥରେ ଦୋହରାଇଛନ୍ତି ଯେ ଓଡ଼ିଶାରେ ହେବ SIR । ଏଥିପାଇଁ ପ୍ରାଥମିକ ପ୍ରସ୍ତୁତି ସରିଛି । ସବୁ ବୁଥ୍ ପାଇଁ BLO ନିଯୁକ୍ତି ହୋଇସାରିଛନ୍ତି । ସବୁ BLOଙ୍କୁ ଇଲୋକ୍ଟ୍ରୋରାଲ୍ ରୋଲ୍ ଦିଆଯାଇଛି । BLO ମାନେ କାମ ଆରମ୍ଭ କରିସାରିଲେଣି । ମୁଖ୍ୟ ନିର୍ବାଚନ ଅଧିକାରୀ କହିଛନ୍ତି, ଓଡ଼ିଶାରେ SIRର ସମସ୍ତ ଲକ୍ଷ୍ୟ ପୂରଣ ହେବ । କେହି ଯୋଗ୍ୟ ଭୋଟର ବାଦ୍ ପଡ଼ିବେ ନାହିଁ । କେହି ଅଯୋଗ୍ୟ ଭୋଟର ତାଲିକାରେ ଯୋଡ଼ିହେବେ ନାହିଁ ।

ବିହାର ପରେ ଓଡ଼ିଶା ସମେତ ୧୫ଟି ରାଜ୍ୟରେ ହେବ SIR । ଏନେଇ ଶୀଘ୍ର ନିର୍ବାଚନ କମିଶନ ଘୋଷଣା କରିବେ ତାରିଖ । ଓଡ଼ିଶାରେ SIR ନେଇ ଆରମ୍ଭ ହୋଇସାରିଲାଣି ପ୍ରକ୍ରିୟା । ଆସାମ, ବେଙ୍ଗଲ, କେରଳରେ SIR ପାଇଁ ଜୋରଦାର ପ୍ରସ୍ତୁତି । ସୋମବାର SIR ପାଇଁ ଘୋଷଣା କରିପାରନ୍ତି ନିର୍ବାଚନ କମିଶନ । ବିହାର ପରେ ବେଙ୍ଗଲ, ଆସାମ ଓ ତାମିଲନାଡୁରେ ବି ହେବ SIR ।

ବିହାରରେ ନିର୍ବାଚନୀ ପରିବେଶ ଚାଲିଛି ଏବଂ ସବୁଠି ରାଜନୈତିକ ଦଳଗୁଡ଼ିକ ଭୋଟରଙ୍କୁ ଆକର୍ଷିତ କରିବା ପାଇଁ ନିଜ ନିଜ ସ୍ତରରେ ଅନେକ କାମ କରୁଛନ୍ତି। ଏସବୁ ମଧ୍ୟରେ, ବିହାରରେ ସ୍ପେଶାଲ ଇଣ୍ଟେନସିଭ ରିଭିଜନ (SIR) ଶବ୍ଦଟି କିଛି ଦିନ ପୂର୍ବରୁ ବହୁତ ଚର୍ଚ୍ଚାରେ ଥିଲା । କାରଣ ରାଜ୍ୟରେ ବିଧାନସଭା ନିର୍ବାଚନ ପୂର୍ବରୁ ନିର୍ବାଚନ କମିଶନ ଭୋଟର ତାଲିକାର ଏକ ବିଶେଷ ସ୍ପେଶାଲ ଇଣ୍ଟେନସିଭ ରିଭିଜନ (SIR) ଆରମ୍ଭ କରିଥିଲେ। କଂଗ୍ରେସ ସମେତ ଅନ୍ୟ ବିରୋଧୀ ଦଳମାନେ ଏହାକୁ ବିରୋଧ କରୁଥିଲେ ।

ଏହି ମାମଲା ସୁପ୍ରିମକୋର୍ଟରେ ମଧ୍ୟ ପହଞ୍ଚିଥିଲା ଏବଂ କୋର୍ଟ ଏହାକୁ ବନ୍ଦ କରିବାକୁ ମନା କରିଦେଇଥିଲେ। କୋର୍ଟ କହିଥିଲେ ଯେ ନିର୍ବାଚନ କମିଶନ ଆଧାର କାର୍ଡ, ଭୋଟର ପରିଚୟ ପତ୍ର ଏବଂ ରାଶନ କାର୍ଡ ମାଧ୍ୟମରେ ଭୋଟ ଦେବା ବିଷୟରେ ବିଚାର କରିବା ଉଚିତ। ଏପରି ପରିସ୍ଥିତିରେ ଆପଣ କ’ଣ ଜାଣନ୍ତି ଏହା କ’ଣ ଏବଂ ଏହା ଆପଣଙ୍କୁ କିପରି ପ୍ରଭାବିତ କରିବ?

ସ୍ପେଶାଲ ଇଣ୍ଟେନ୍ସିଭ ରିଭିଜନ କ’ଣ?

ପ୍ରଥମେ, ଆସନ୍ତୁ ବୁଝିବା ସ୍ପେଶାଲ ଇଣ୍ଟେନ୍ସିଭ ରିଭିଜନ ବା SIR କ’ଣ ? ପ୍ରକୃତରେ, ଏହା ଅଧୀନରେ, ନିର୍ବାଚନ କମିଶନର କାମ ହେଉଛି ଭୋଟର ତାଲିକାକୁ ଅପଡେଟ କରିବା। ଏଥିରେ, ଯଦି କୌଣସି ବ୍ୟକ୍ତିଙ୍କ ମୃତ୍ୟୁ ହୋଇଯାଏ, କାହାର ଅଞ୍ଚଳ ପରିବର୍ତ୍ତନ ହୁଏ ଇତ୍ୟାଦି । ତେବେ ଏପରି ବ୍ୟକ୍ତିଙ୍କ ନାମ ଭୋଟର ତାଲିକାରୁ ବାଦ ଦିଆଯାଏ। ସେହିପରି ଯଦି କାହାକୁ ୧୮ ବର୍ଷ ହୋଇଯାଏ, ତେବେ ତାଙ୍କ ନାମ ଭୋଟର ତାଲିକାରେ ଯୋଡ଼ାଯାଏ।

ନିର୍ବାଚନ କମିଶନଙ୍କ କହିବାନୁସାରେ ସ୍ପେଶାଲ ଇଣ୍ଟେନ୍ସିଭ ରିଭିଜନ ବା SIRର ଅର୍ଥ ହେଉଛି ଯେଉଁମାନଙ୍କ ନାଁ ବାରମ୍ବାର ତାଲିକାରେ ଥିବ ତାହା ସଂଶୋଧନ ହେବ ।, ଏମିତିକି ଯଦି କୌଣସି ବ୍ୟକ୍ତିଙ୍କ ନାମ ପୂର୍ବରୁ ଭୋଟର ତାଲିକାରେ ଅଛି, ତେବେ ତାଙ୍କୁ କୌଣସି ପ୍ରକାରର ଡକ୍ୟୁମେଣ୍ଟ ଦେଖାଇବାକୁ ପଡ଼ିବ ନାହିଁ । କିନ୍ତୁ ଯଦି କାହାର ନାମ ବାଦ ଦିଆଯାଏ, ତେବେ ସେ ନିର୍ବାଚନ କମିଶନ ଦ୍ୱାରା ପ୍ରକାଶିତ ତାଲିକା ଅନୁସାରେ ଡକ୍ୟୁମେଣ୍ଟ ଦେଖାଇ ନିଜ ନାମ ଯୋଡ଼ିପାରିବେ। ତେବେ ୨୦୨୬ ଜାନୁଆରୀ ୭ରେ ବାହାରିବ ଫାଇନାଲ ଭେରିଫିକେସନ ଲିଷ୍ଟ ।