ପୁରୀ: ନୂଆ ବର୍ଷରେ ହେଲା ଦର୍ଶନ ଶୃଙ୍ଖଳା । ନୂଆ ଅନୁଭୂତି ପାଇଲେ ଭକ୍ତ ଶ୍ରଦ୍ଧାଳୁ । ଶୃଙ୍ଖଳିତ ଦର୍ଶନ କଲେ ପ୍ରାୟ ୬ ଲକ୍ଷରୁ ଉର୍ଦ୍ଧ୍ଵ ଭକ୍ତ । ପ୍ରଥମ କରି ନବବର୍ଷର ଭିଡରେ ବି ଭିତର କାଠ ଦର୍ଶନ ସୁଯୋଗ ପାଇଲେ ଭକ୍ତ ଶ୍ରଦ୍ଧାଳୁ । ଭିତର କାଠରେ ଶୃଙ୍ଖଳିତ ଦର୍ଶନକୁ ନେଇ ଭକ୍ତ ଓ ସେବାୟତ ମହଲରେ ପ୍ରସଂଶା କରାଯାଇଛି । ଆଜି ବି ଚାଲିଛି ଶୃଙ୍ଖଳିତ ଦର୍ଶନ । ନୀତି ସଅଳ ଯୋଗୁଁ ମିଳିଲା ସୁଫଳ । ଆଜି ଠାରୁ ପୁଣି ଚାରିଦ୍ଵାରରେ ପ୍ରବେଶ ଅନୁମତି ପାଇଁ ଦର୍ଶନ କରୁଛନ୍ତି ଶ୍ରଦ୍ଧାଳୁ । ଧାଡ଼ିରେ ଯାଇ ଶୃଙ୍ଖଳା ପୂର୍ବକ ଦର୍ଶନ ଥିଲା ବଡ ଆହ୍ବାନ । ଶୃଙ୍ଖଳିତ ରଥଯାତ୍ରା ଭିଡ ନିୟନ୍ତ୍ରଣ ପରେ ଇଂରାଜୀ ନୂଆବର୍ଷ ଦର୍ଶନରେ ଶୃଙ୍ଖଳାରେ ବି ସଫଳ ରାଜ୍ୟ ସରକାର ।

ସେପଟେ ଆସନ୍ତାକାଲି ଠାରୁ ପୁନର୍ବାର ଆରମ୍ଭ ହେବ ଭିତର ରତ୍ନଭଣ୍ଡାର ମରାମତି କାର୍ଯ୍ୟ । ସରିଛି ଚୂନ ଡି ପ୍ଲାଷ୍ଟରିଂ । ଆସନ୍ତାକାଲି ଠାରୁ ଆରମ୍ଭ ହେବ ଷ୍ଟୋନ୍ ମରାମତି କାର୍ଯ୍ୟ । ଦ୍ଵିତୀୟ ଭୋଗ ମଣ୍ଡପ ଠାରୁ ସନ୍ଧ୍ୟା ପର୍ଯ୍ୟନ୍ତ କେବଳ ବାହାର କାଠରେ ଦର୍ଶନ ସୁଯୋଗ ମିଳିବ । ସଅଳ ନୀତି ପରିଚାଳନା ଯୋଗୁଁ ହାସଲ ଫ୍ରି ଦର୍ଶନ ଓ ଭିଡ ନିୟନ୍ତ୍ରଣରେ ସଫଳ ହୋଇଛନ୍ତି ପ୍ରଶାସନ ଓ ରାଜ୍ୟ ସରକାର । ଇଂରାଜୀ ନବବର୍ଷରେ ଭିଡ ଭିତରେ ନୂଆ ବର୍ଷରେ ନୂଆ ଅନୁଭୁତି ପାଇ ବେଶ ଖୁସ୍ ଭକ୍ତ । ପ୍ରଥମ କରି ଇଂରାଜୀ ନବବର୍ଷର ଭିଡ ଭିତରେ ବି ଭିତର କାଠ ଦର୍ଶନର ଅନୁଭୁତି ସାଉଁଟି ଭାବ ବିହ୍ୱଳ ହୋଇଛନ୍ତି ଶ୍ରଦ୍ଧାଳୁ । ୬ ଲକ୍ଷରୁ ଉର୍ଦ୍ଧ୍ଵ ଭକ୍ତଙ୍କୁ ଶୃଙ୍ଖଳିତ ଦର୍ଶନ ଅନୁଭୁତି ଦେବାରେ ସଫଳ ହୋଇଛି ପ୍ରଶାସନ ।

ଆଜି ବି ସୁନ୍ଦର ଦର୍ଶନ ଅନୁଭୁତି ନେଉଛନ୍ତି ଭକ୍ତ । ଗୋଟିଏ ପଟରେ ସଅଳ ନୀତି ଅନ୍ୟପଟରେ ପୋଲିସର ଶ୍ରୀମନ୍ଦିର ଇନର ଓ ଆଉଟର ସୁରକ୍ଷା ବଳୟ ଦର୍ଶନକୁ ଶୃଙ୍ଖଳିତ କରିଛି । ହ୍ୟୁମାନ ଚେନ୍ ଓ ବ୍ଲକିଂ ଟିମ୍ ପାଇଛି ସଫଳତା । ଫୁଟ୍ ଫଲ୍ କାଉଣ୍ଟି ଆକଳନ କରି ବ୍ୟାରିକେଡ଼ ସମ୍ପ୍ରସାରଣ ଓ ଲୋକଙ୍କୁ ସ୍ଥାନାନ୍ତର ପାଇଁ ମଧ୍ୟ ବ୍ୟବସ୍ଥା କରି ସଫଳ ହୋଇଛି ପ୍ରଶାସନ । ଭିତରେ କିଛି ଟା ସମସ୍ୟା ହୋଇଥିଲେ ହେଁ ମୋଟାମୋଟି ମିଳିଛି ସଫଳତା । ପାଣି ବଣ୍ଟନରେ ସେଣ୍ଟ ଜୋନ ଆମ୍ବୁଲାନ୍ସ ଓ ଦିବ୍ୟାଙ୍ଗ ବରିଷ୍ଠ ନାଗରିକ ଦର୍ଶନ ପାଇଁ ଯୁବଶକ୍ତି ଭଲ୍ୟୁଣ୍ଟିଅର ମଧ୍ୟ ପୋଲିସ ଓ ଜିଲ୍ଲା ପ୍ରଶାସନ କୁ ବେଶ ସହଯୋଗ କରିଥିଲେ । ତେବେ କେବଳ ପୁରୀ ଓ ସ୍ଥାନୀୟ ସାହି ବାସିନ୍ଦାଙ୍କ ପାଇଁ କୌଣସି ବ୍ୟବସ୍ଥା ହୋଇନଥିବାରୁ କିଛି ଟା ଅସନ୍ତୋଷ ରହିଛି । କିନ୍ତୁ ବେଳାଭୂମିରେ ସଫିସେଣ୍ଟ ଲାଇଫ ଗାର୍ଡ ମୁତୟନ, ଟ୍ରାଫିକର ସୁପରିଚାଳନା ଏବଂ ଭକ୍ତ,ପର୍ଯ୍ୟଟକଙ୍କ ସୁରକ୍ଷା ସହ ପାର୍କିଂ ବ୍ୟବସ୍ଥାରେ ସୁଧାର ଭକ୍ତଙ୍କୁ ଭଲ ଅନୁଭୂତି ଦେଇଛି ।

ଅନ୍ୟପଟରେ ବଡଦିନ ଓ ନବବର୍ଷ ଭିଡକୁ ନଜରରେ ରଖି ସିଂହଦ୍ଵାର ପାର୍ଶ୍ୱରୁ ୩ ଦିନ ପାଇଁ ଯେଉଁ ଏକମୁଖି ଦର୍ଶନ ବ୍ୟବସ୍ଥା କରାଯାଇଥିଲା ତାହା ଆଜି ଠାରୁ ସମାପ୍ତ ହୋଇଛି । ତେଣୁ ପୁଣି ଚାରିଦ୍ୱାର ଦର୍ଶନ ବ୍ୟବସ୍ଥା କାର୍ଯ୍ୟକାରୀ ହୋଇଛି । ସେପଟେ ନବ ବର୍ଷ ଭିଡ ଯୋଗୁଁ ରତ୍ନଭଣ୍ଡାର ମରାମତି କାର୍ଯ୍ୟ ମଧ୍ୟ ଗତ ୨୫ ତାରିଖ ଠାରୁ ସ୍ଥଗିତ ରହିଥିଲା । ଆସନ୍ତାକାଲି ପୁନର୍ବାର ଏହା ତ୍ୱରାନ୍ୱିତ ହେବ । ଆସନ୍ତାକାଲି ଦ୍ଵିତୀୟ ଭୋଗ ମଣ୍ଡପ ଠାରୁ ସନ୍ଧ୍ୟା ପର୍ଯ୍ୟନ୍ତ ପ୍ରାୟ ୫ ରୁ ୬ ଘଣ୍ଟା ମରାମତି କାର୍ଯ୍ୟ କରିବ ଏଏସଆଇ । ରତ୍ନ ଭଣ୍ଡାରରେ ୨୦ ଫୁଟ୍ ଲୁହା ଭାରା ବନ୍ଧାଯାଇ ପୁରୁଣା ଚୂନ ପ୍ଲାଷ୍ଟରକୁ ଡି ପ୍ଲାଷ୍ଟର କରାଯାଇ ସାରିଛି । ଆସନ୍ତାକାଲି ଠାରୁ ପ୍ରଥମେ ଭର୍ଟିକାଲ କ୍ରାକ୍ସ୍ ମରାମତି କାର୍ଯ୍ୟ ପାଇଁ ପ୍ରକ୍ରିୟା ଆରମ୍ଭ ହେବ । ପ୍ରଭାବିତ ହୋଇଥିବା ବା ଫାଟ ଥିବା ଷ୍ଟୋନ ବା ପଥର ଗୁଡ଼ିକ ପ୍ରଥମେ ପରିବର୍ତ୍ତନ ହେବ ଓ ମରାମତି ହେବ । କାନ୍ଥ କାର୍ଯ୍ୟ ସରିଲେ ହୋରାଇଜେଣ୍ଟାଲ କ୍ରାକ୍ସ ବା ଚଟାଣରେ ଥିବା ଫାଟ ଓ ମୂଷା ଗାତ ମରାମତି ହେବ ।

ତେଣୁ ଆସନ୍ତାକାଲି ଠାରୁ ଦ୍ଵିତୀୟ ଭୋଗ ମଣ୍ଡପ ଶେଷ ପରେ ମରାମତି କାମ ଶେଷ ଅର୍ଥାତ୍ ସନ୍ଧ୍ୟା ପର୍ଯ୍ୟନ୍ତ ଭିତର କାଠ ଦର୍ଶନ ବନ୍ଦ ରହିବ । କେବଳ ବାହାର କାଠରେ ଦର୍ଶନ କରିପାରିବେ ଶ୍ରଦ୍ଧାଳୁ । ତେଣୁ ସଅଳ ନୀତି ଓ ସେବାୟତ ସମନ୍ଵୟ ଉପରେ ନଜର ରହିବ ।

Argus News | argus news | Odisha Latest News, Breaking News, Trending News, Live TV