ଅର୍ଗସ ବ୍ୟୁରୋ: ଔଷଧୀୟ ତଥା ସୁଗନ୍ଧିତ ଉଦ୍ଭିଦ ଉପରେ ଅତ୍ୟାବଶ୍ୟକ ତେଲର ମୂଲ୍ୟବୋଧ ବିଷୟରେ ଏକ ଦିନିଆ ଦକ୍ଷତା ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଆଇଏମଏମଟି ଭୁବନେଶ୍ୱରର ମିଳିତ ଅନୁଷ୍ଠାନ ଅଧୀନରେ ଥିବା ଏମଏସ ସ୍ୱାମୀନାଥନ ରିସର୍ଚ୍ଚ ଫାଉଣ୍ଡେସନର ରିସର୍ଚ୍ଚ କେନ୍ଦ୍ରରେ ଆୟୋଜିତ ହୋଇଯାଇଛି ।

ଏହି କାର୍ଯ୍ୟକ୍ରମକୁ ନିର୍ଦ୍ଦେଶକ ଡକ୍ଟର ପ୍ରଶାନ୍ତ କୁମାର ପରିଦା ଏବଂ ଆଇଏମଏମଟି ଭୁବନେଶ୍ୱରର ମୁଖ୍ୟ ବୈଜ୍ଞାନିକ ଡକ୍ଟର ନବିନ କୁମାର ଧଳ ଏବଂ ସିଏମଏପି ଲକ୍ଷ୍ନୌର ବରିଷ୍ଠ ପ୍ରିନ୍ସିପାଲ୍ ସାଇଣ୍ଟିଷ୍ଟ୍ ଡକ୍ଟର ପ୍ରଶାନ୍ତ କୁମାର ରାଉତ ଉଦ୍‌ଘାଟନ କରିଥିଲେ ।

ମୁଖ୍ୟ ବୈଜ୍ଞାନିକ ଡକ୍ଟର ନବିନ କୁମାର ଧଳ ଅଂଶଗ୍ରହଣକାରୀମାନଙ୍କୁ ସମ୍ବୋଧିତ କରିବାବେଳେ କହିଥିଲେ ଯେ ଔଷଧୀୟ ତଥା ସୁଗନ୍ଧିତ ଉଦ୍ଭିଦ ଶୃଙ୍ଖଳାର ପ୍ରତ୍ୟେକ ପର୍ଯ୍ୟାୟକୁ ସମର୍ଥନ କରୁଥିବା ଏକ ଦୃଢ ଇକୋସିଷ୍ଟମ ସୃଷ୍ଟି କରିବା ଆବଶ୍ୟକ । ଯାହା ବ୍ୟକ୍ତି ଏବଂ ଅନୁଷ୍ଠାନର ଅଂଶଗ୍ରହଣରେ ସମ୍ଭବ ହେବ ।

ବରିଷ୍ଠ ବୈଜ୍ଞାନିକ ଡକ୍ଟର ପ୍ରଶାନ୍ତ କୁମାର ରାଉତ କହିଛନ୍ତି ଯେ ବର୍ତ୍ତମାନ ଓଡ଼ିଶା ରାଜ୍ୟର ବିଭିନ୍ନ ଜିଲ୍ଲାରେ ଲେମ୍ବୁ ଗ୍ରାସ୍, ମିଣ୍ଟ୍, ଏବଂ ବିଭିନ୍ନ ପ୍ରକାରର ଔଷଧୀୟ ତଥା ସୁଗନ୍ଧିତ ଚାଷ କାର୍ଯ୍ୟ କରାଯାଉଛି । ଯେଉଁଥିରେ କୋରାପୁଟର ନାରାୟଣପାଟଣା ଏବଂ ବନ୍ଧୁ ଗାଁ ବ୍ଲକରେ 1000 ଏକରରୁ ଅଧିକ ଚାଷ କାର୍ଯ୍ୟ କରାଯାଉଛି । ଯେଉଁଠାରେ କୃଷକମାନେ ଦକ୍ଷତା ବିକାଶ କାର୍ଯ୍ୟକ୍ରମ ମାଧ୍ୟମରେ ଚାଷରୁ ମିଳିଥିବା ତେଲରେ ମୂଲ୍ୟ ଯୋଗ କରି ସେମାନଙ୍କର ଆୟକୁ ଦ୍ୱିଗୁଣିତ କରିପାରିବେ ।

ତାଲିମ କାର୍ଯ୍ୟକ୍ରମ ମାଧ୍ୟମରେ ଏହି କାର୍ଯ୍ୟକ୍ରମରେ ଉପସ୍ଥିତ ଥିବା ସମସ୍ତ ଚାଷୀଙ୍କୁ ମହୁମାଛି, ଛତୁ ଚାଷ, ତୁଳସୀ ଗାର୍ଲାଣ୍ଡ ଏବଂ ଫୁଲ ପାଉଡରରୁ ଔଷଧୀୟ ସାବୁନ୍ ଏବଂ ଧୂପକାଠି ବିଷୟରେ କୁହାଯାଇଥିଲା ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV