ଚିକିତ୍ସାଧିନ ଅବସ୍ଥାରେ ଆଖି ବୁଜିଲେ ଯବାନଙ୍କ ପତ୍ନୀ । 15 ଦିନ ଧରି ଅଚେତ୍ ଥିବା ପ୍ରସୂତି ପତ୍ନୀ ଓ ନବଜାତକ ଶିଶୁ କନ୍ୟାକୁ ଛାଡି ବର୍ଡର ଯାଇଥିବା ଯବାନଙ୍କ ପତ୍ନୀଙ୍କ ମୃତ୍ୟୁ ଘଟିଛି । ବୁର୍ଲା ଭୀମସାରରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକର ଟେଙ୍ଗନାମାଲ ଗାଁର ଦେବରାଜ ଗଣ୍ଡ ସଶସ୍ତ୍ର ସୀମା ବଳରେ କାର୍ଯ୍ୟରତ ଥିବାବେଳେ, ସ୍ତ୍ରୀ ଲିପି ଗଣ୍ଡ ଗତ ୨୮ ତାରିଖରେ ଏକ ଶିଶୁକନ୍ୟାକୁ ଜନ୍ମ ଦେଇଥିଲେ ।

ସେହି ସମୟରେ ଦେବରାଜ ସାଙ୍ଗରେ ଥିଲେ । ସ୍ତ୍ରୀଙ୍କ ଅବସ୍ଥା ଗୁରୁତର ହେବାରୁ ବୁର୍ଲାରେ ଆଇସିୟୁରେ ଭର୍ତ୍ତି ହୋଇଥିଲେ । ସଶସ୍ତ୍ର ସୀମା ବଳରୁ କଲ୍ ଆସିବା ପରେ ସ୍ତ୍ରୀ ଓ ଶିଶୁକୁ ଛାଡି ବର୍ଡର ଅଭିମୁଖେ ଦେବରାଜ ଯାଇଥିଲେ । ସ୍ତ୍ରୀଙ୍କ ମୃତ୍ୟୁ ଖବର ପରେ ବର୍ତ୍ତମାନ ଦେବରାଜ ଆସି ପହଞ୍ଚି ନଥିବା ଜଣାପଡିଛି। ଏଖବର ସାରା ଅଞ୍ଚଳରେ ଦୁଃଖର ଛାଇ ଖେଳିଯାଇଛି।