ଅନୁଗୋଳ ଜିଲ୍ଲା ବାଗଡ଼ିଆ ଥାନା ବାଗଡ଼ିଆ ଗ୍ରାମରେ ଟଙ୍କା ନଦେବାରୁ ପୁଅର ବାଟୁଳି ମାଡ଼ରେ ବାପା ଗୁରୁତର ଆହତ l ଗୁରୁତର ଆହତଙ୍କୁ ଛେଣ୍ଡିପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି  l ଗୁରୁତର ଜଣଙ୍କ ହେଲେ ବାଗଡ଼ିଆ ଗାଁର ଭାସ୍କର ପ୍ରଧାନ l ସୂଚନା ଅନୁଯାୟୀ ବାଗଡ଼ିଆ ଗାଁର ଭାସ୍କର ପ୍ରଧାନ ଘର ସମ୍ମୁଖରେ ବସିଥିବା ବେଳେ ତାଙ୍କ ପୁଅ ଅଜିତ ପ୍ରଧାନ ସେଠାରେ ପହଞ୍ଚି ଭାସ୍କରଙ୍କୁ ଟଙ୍କା ମାଗିଥିଲେ l କିନ୍ତୁ ବାପା ଭାସ୍କର ଟଙ୍କା ଦେବା ପାଇଁ ମନା କରିଦେଇଥିଲେ l ଅଜିତ ଉତକ୍ଷିପ୍ତ ହୋଇ ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସହିତ ଏକ ବାଟୁଳିରେ ବାପାଙ୍କୁ ଆକ୍ରମଣ କରିଥିଲେ l

ପୁଅର ବାଟୁଳି ଭାଷ୍କରଙ୍କ ମୁହଁରେ ବାଜି ଗୁରୁତର ଆହତ ହୋଇଥିଲେ l ଏହାଦେଖି ପରିବାର ଲୋକେ ତୁରନ୍ତ ଭାସ୍କରଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପ୍ରଥମେ ବାଗଡ଼ିଆ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଓ ପରେ ଛେଣ୍ଡିପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ଚିକତ୍ସା କରିଛନ୍ତି l ତେବେ ଏନେଇ ପରିବାର ପକ୍ଷରୁ ବାଗଡିଆ ଥାନାରେ ଅଭିଯୋଗ କରିଛନ୍ତି l