ବାପା ଶବ ନେଇ ଫେରୁଥିଲା ପୁଅ ହେଲେ ଚାଲିଗଲା ଜୀବନ । ବାପା ଅସୁସ୍ଥ ଅନୁଭବ କରିବାରୁ ତାଙ୍କୁ ଡାକ୍ତରଖାନା ନେଇ ଯାଇଥିଲେ ପୁଅ। ହେଲେ ବାପାଙ୍କୁ ଧରି ଫେରୁ ଫେରୁ ଚାଲିଗଲା ନିଜର ଜୀବନ ।

ଏପରି ଦୁଃଖଦ ଘଟଣା ଘଟିଛି ମୟୂରଭଞ୍ଜ ଠାକୁରମୁଣ୍ଡା ବ୍ଳକ ମିଟୁଆଣି ଗାଁରେ । ସେହି ଗାଁର ଗୋପବନ୍ଧୁ ନାୟକ ଅତ୍ୟାଧିକ ରକ୍ତଚାପ ଯୋଗୁ ଅସୁସ୍ଥ ଥିଲେ । ଅଧିକ ଅସୁସ୍ଥ ଅନଭବ କରିବାରୁ ତାଙ୍କ ପୁଅ ଶୁଭପ୍ରକାଶ କିଛିଦିନ ପୂର୍ବରୁ ତାଙ୍କୁ କଟକ ନେଇ ଚିକିତ୍ସା କରୁଥିଲେ । ହେଲେ ଚିକିତ୍ସିତ ହେବା ଅବସ୍ଥାରେ ହିଁ ତାଙ୍କର ମୃତ୍ୟୁ ହୋଇଥିଲା । ବାପାଙ୍କ ମୃତ୍ୟୁରେ ତାଙ୍କ ପୁଅ ଏବଂ ପୁରା ପରିବାର ଭାଙ୍ଗିପଡିଥିଲେ । ଆଉ ବାପାଙ୍କ ମୃତଶରୀରକୁ ଧରି ଆମ୍ବୁଲାନ୍ସ ଯୋଗେ ଠାକୁରମୁଣ୍ଡ ଆଣଥିଲେ । ହେଲେ ରାସ୍ତାରେ ପୁଅ ପାଇଁ ଛକି ବସିଥିଲା ଯମ । ପାଣିକୋଇଲି - ଯାଜପୁର ରୋଡ଼ ମାଧପୁର ନିକଟରେ ଦୋକାନକୁ ପାଣି ଆଣିବାକୁ ରାସ୍ତା ଅତିକ୍ରମ କରିଥିବା ବେଳେ ତାଙ୍କୁ ଏକ ପିକଅପ ଭ୍ୟାନ ଧକ୍କା ଦେଇଥିଲା । ଆଉ ସେହି ସ୍ଥାନରେ ହିଁ ପୁଅର ମୃତ୍ୟୁ ହୋଇ ଯାଇଥିଲା ।