ଦୀର୍ଘ ବର୍ଷ ଧରି ଲାଗିରହିଥିବା ଆନ୍ଧ୍ର ଓ ଓଡ଼ିଶା ମଧ୍ୟରେ ଲାଗି ରହିଥିବା କୋଟିଆ କଳିରେ ପଡ଼ିବ କି ଯବନିକା ? କୋଟିଆ ପାଇଁ ରାଜ୍ୟ ସରକାର ସ୍ୱତନ୍ତ୍ର କମିଟି ଗଠନ କରିବା ପରେ ସଂଚରିଛି ନୂଆ ଆଶା । ବିବାଦର ସମାଧାନ ଓ ତୃଣମୂଳ ସ୍ତରରେ ବିକାଶ ପହଞ୍ଚେଇବା ପାଇଁ ରାଜସ୍ବ ମନ୍ତ୍ରୀ ସୁରେଶ ପୂଜାରୀଙ୍କ ଅଧ୍ୟକ୍ଷତାରେ ଗଠନ ହୋଇଛି ୧୬ ଜଣିଆ କମିଟି । ଏ ନେଇ ରାଜସ୍ୱ ମନ୍ତ୍ରୀ କହିଛନ୍ତି କୋଟିଆ ପାଇଁ ସ୍ବତନ୍ତ୍ର ଅଧିକାରୀ ନିଯୁକ୍ତ କରାଯାଇ ଦୀର୍ଘ ଓ ସ୍ବଳ୍ପ ମିଆଦି ଯୋଜନା କରାଯିବ ।

ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ କୋଟିଆ ଉପରେ ବୈଠକ ବସି ସରକାରଙ୍କ ସବୁ ଯୋଜନାକୁ ଏକତ୍ରିତ କରି ଗୋଟିଏ ସଂସ୍ଥା ମାଧ୍ୟମରେ କାର୍ଯ୍ୟକାରୀ କରାଯିବାକୁ ନିଷ୍ପତ୍ତି ହୋଇଛି। , ପାଣ୍ଠି ଆବଣ୍ଟନ ସହ ଆନ୍ଧ୍ର ଓ ଓଡ଼ିଶାରେ କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନାର ତୁଳନା କରି କୋଟିଆ ଗ୍ରାମବାସୀଙ୍କୁ କିପରି ଅଧିକ ସୁବିଧା ମିଳିବ ସେନେଇ ଏକ ସମନ୍ବିତ ଯୋଜନା ପ୍ରସ୍ତୁତ କରାଯିବ। ନୂଆ କମିଟି ଏ ନେଇ ରିପୋର୍ଟ ସଂଗ୍ରହ କରି ମୁଖ୍ୟମନ୍ତ୍ରୀଙ୍କୁ ସୁପାରିସ କରିବ। ନିଷ୍ପତ୍ତି କୁ କଂଗ୍ରେସ ସ୍ୱାଗତ କରିଥିବା ବେଳେ ପ୍ରଶ୍ନ ଉଠାଇଛି ବିଜେଡି । ସ୍ଥାନୀୟ ଲୋକେ ବି ନିଷ୍ପତ୍ତିକୁ ସ୍ବାଗତ କରିଛନ୍ତି

କୋଟିଆର ସ୍ଥାୟୀ ସମାଧାନ ପାଇଁ ରାଜ୍ୟ ସରକାରଙ୍କ ୧୬ ଜଣିଆ କମିଟି ଗଠନକୁ ସ୍ୱାଗତ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋସିଆଲ ମିଡ଼ିଆ ରେ ପୋଷ୍ଟ କରି ଲେଖିଛନ୍ତି କୋଟିଆ ଓଡ଼ିଶାର ଅବିଚ୍ଛେଦ୍ୟ ଅଙ୍ଗ, ଆମର ଭାବାବେଗ କୋଟିଆବାସୀଙ୍କ ସହ ଜଡ଼ିତ । ଓଡ଼ିଶାର ସୀମାକୁ ଭୌଗୋଳିକ ଓ ସାଂସ୍କୃତିକ ରୂପେ ସୁରକ୍ଷିତ ରଖିବାର ସଂକଳ୍ପନା ନେଇ ମୁଁ ପୂର୍ବରୁ କୋଟିଆ ଗସ୍ତରେ ଯାଇଥିଲି । ଗୋ ବ୍ୟାକ ଆନ୍ଧ୍ର- ଫାଇଲ କୋଟିଆର ସ୍ଥାୟୀ ସମାଧାନ ପାଇଁ ଅନେକ ଥର ଆନ୍ଧ୍ର ପ୍ରଦେଶ ଏବଂ ଓଡ଼ିଶାର ତତ୍କାଳୀନ ମୁଖ୍ୟମନ୍ତ୍ରୀଙ୍କୁ ପତ୍ର ଲେଖି ଆପୋଷ ବୁଝାମଣା ମାଧ୍ୟମରେ ସମାଧାନ ପାଇଁ ଅନୁରୋଧ କରିଥିଲେ କେନ୍ଦ୍ର ମନ୍ତ୍ରୀ। ଅନୁରୋଧ ଓ ଦାବି ସତ୍ତ୍ୱେ ପୂର୍ବ ସରକାର ଏହି ବିଷୟରେ କର୍ଣ୍ଣପାତ କରିନଥିଲେ ।
ଜୁନ ୩ ତାରିଖରେ ବସିବାକୁ ଥିବା କମିଟିର ପ୍ରଥମ ବୈଠକରେ କି ନିଷ୍ପତ୍ତି ନିଆଯାଉଛି ତା ଉପରେ ନଜର...