ଯୁଦ୍ଧ ସ୍ଥିତିରେ ଶ୍ରୀମନ୍ଦିର ସୁରକ୍ଷା ଉପରେ ଫୋକସ୍ । ପୁରୀରେ ପହଞ୍ଚିଲା ସ୍ପେସିଆଲ ଟାକ୍ଟିକାଲ୍ ୟୁନିଟ୍‌ର ରକ୍ଷକ ପ୍ଲସ ଭ୍ୟାନ । ଶ୍ରୀମନ୍ଦିର ସୁରକ୍ଷା ଦାୟିତ୍ୱରେ ନିୟୋଜିତ ହେବ ଏହି ଭ୍ୟାନ । ୨୪ ଘଣ୍ଟିଆ ସୁରକ୍ଷା ଦାୟିତ୍ୱରେ ମୁତୟନ ରହିବ ରକ୍ଷକ । ଏହି ଭ୍ୟାନର ଉପରି ଭାଗରେ ରହିଛନ୍ତି ଲାଇଟ୍ ମେସିନ ଗନ୍ ଧାରୀ ସଶସ୍ତ୍ର ଟ୍ରେନଡ ଫୋର୍ସ। ଭ୍ୟାନରେ ୮ ଜଣ କ୍ର୍ୟୁ ମେମ୍ବର ସୁରକ୍ଷା ଦାୟିତ୍ୱରେ ରହିବେ । ଗହଳି,ଯୁଦ୍ଧକାଳୀନ ସ୍ଥିତି ଇତ୍ୟାଦିରେ ନିୟନ୍ତ୍ରଣ ଓ ସୁରକ୍ଷା ଦାୟିତ୍ଵ ବହନ କରିପାରିବ ଏହି ଭ୍ୟାନ୍ । ଏହାକୁ ସ୍ବତନ୍ତ୍ର ସୁରକ୍ଷା ଡିଜାଇନ୍ ଦିଆଯାଇଛି । ଏକା ସାଙ୍ଗରେ ୬ ଟି ଗ୍ରେନେଡ ବିସ୍ଫୋରଣ ହେଲେ ବି ଏହା ପ୍ରତିହିତ କରିପାରିବ ।

ସେପଟେ ରଥଯାତ୍ରା ପୂର୍ବରୁ ଶ୍ରୀମନ୍ଦିର ସୁରକ୍ଷା ବ୍ୟବସ୍ଥାର ସମୀକ୍ଷା କରିଛନ୍ତି ଡିଜିପି ୱାଇ ବି ଖୁରାନିଆ । ପୁରୀରେ ବରିଷ୍ଠ ଅଧିକାରୀଙ୍କ ସହଙ୍କ ସହ କଲେ ସମୀକ୍ଷା ବୈଠକ। ସୁରକ୍ଷା ସହ ଭିଡ଼ ନିୟନ୍ତ୍ରଣ ଓ ଟ୍ରାଫିକ କଣ୍ଟ୍ରୋଲ ଉପରେ ମାନସ ମନ୍ଥନ । ଜଳ, ସ୍ଥଳ, ଆକାଶ ମାର୍ଗରୁ ସୁରକ୍ଷା ବ୍ୟବସ୍ଥା ଉପରେ ଗୁରୁତ୍ବ । କୋଷ୍ଟ ଗାର୍ଡ, ଇଣ୍ଡିଆନ ନାଭି, RPF ଭଳି ସେଣ୍ଟ୍ରାଲ ଏଜେନ୍ସି ସହ ସମନ୍ଵୟ ଉପରେ ଗୁରୁତ୍ବ ଦିଆଯାଇଛି । ପ୍ରଥମ ଥର କୋଷ୍ଟାଲ୍ ସିକ୍ୟୁରିଟି ପାଇଁ ମୁତୟନ ହେବ ଡ୍ରୋନ୍ । ଏଥର ରଥରେ ଓଡ଼ିଶା ପୋଲିସର କୋଷ୍ଟାଲ ୱିଙ୍ଗ୍ ତରଫରୁ ମୁତୟନ ହେବ ଡ୍ରୋନ୍ । ସମୁଦ୍ର ତଟ ଜଗିବ ମେରାଇନ ପୋଲିସ ଓ କୋଷ୍ଟ ଗାର୍ଡର ବୋଟ । ସିସିଟିଭି ନଜରରେ ରହିବ ସମଗ୍ର ଶ୍ରୀକ୍ଷେତ୍ର । ଆକାଶ ମାର୍ଗ ସର୍ଭିଲାନ୍ସ ପାଇଁ ନିୟୋଜିତ ହେବ ଡ୍ରୋନ୍ । AI ଓ ଡ୍ରୋନ ସାହାଯ୍ୟରେ ଭିଡ଼ ଓ ଟ୍ରାଫିକ ନିୟନ୍ତ୍ରଣ କରାଯିବ ।

ରେଲୱେ ତରଫରୁ CCTV ସହ ଭକ୍ତଙ୍କ ସମାଗମ ଜାଗାରେ ପୋଲିସ ତରଫରୁ ଲାଗିବ ସିସିଟିଭି । ସେପଟେ ଶ୍ରୀମନ୍ଦିର ସୁରକ୍ଷାରେ ମୁତୟନ ହୋଇଛି ସ୍ପେଶିଆଲ୍ ଟାକ୍ଟିକାଲ୍ ୟୁନିଟର ରକ୍ଷକ ପ୍ଲସ୍ ଭ୍ୟାନ୍ । ୨୪ ଘଣ୍ଟିଆ ସୁରକ୍ଷା ଦାୟିତ୍ୱରେ ମୁତୟନ ରହିବ ରକ୍ଷକ । ଏହି ଭ୍ୟାନର ଉପରି ଭାଗରେ ରହିଛି ଲାଇଟ୍ ମେସିନ ଗନ୍ ଧାରୀ ସଶସ୍ତ୍ର ଟ୍ରେନଡ ଫୋର୍ସ ।ଭ୍ୟାନରେ ୮ ଜଣ କ୍ରିୟୁ ମେମ୍ବର ସୁରକ୍ଷା ଦାୟିତ୍ୱରେ ରହିବେ । ଗହଳି, ଯୁଦ୍ଧକାଳୀନ ସ୍ଥିତିରେ ସୁରକ୍ଷା ଦାୟିତ୍ଵ ବହନ କରିପାରିବ ଏହି ଭ୍ୟାନ୍ । ଏହାକୁ ସ୍ବତନ୍ତ୍ର ସୁରକ୍ଷା ପାଇଁ ଡିଜାଇନ୍ ଦିଆଯାଇଛି । ଏକାସଙ୍ଗେ ୬ଟି ଗ୍ରେନେଡ ବିସ୍ଫୋରଣ ହେଲେ ବି ଏହା ପ୍ରତିହିତ କରିପାରିବ ।