ମାର୍କେଟରେ କକାଙ୍କଡ଼ର ଚାହିଦା ଅନେକ । ହେଲେ ନୂଆପଡ଼ା ସିନାପାଲି ବ୍ଲକ ଦୁର୍ଗମ ସୀମାନ୍ତରେ ଦୁଃଖ ଦେଉଛି କାଙ୍କଡ଼ ଚାଷ l ନଙ୍ଗଳବୋର୍ଡ଼, ତାଲାକୋଟ, ଭୁଲିଆଭଟା, ଟଙ୍କାମାଲ, ରଜାମୁଡ଼ା ଆଦି ଅଞ୍ଚଳରେ ଉତ୍ପାଦନ ହେଉଛି କୁଇଣ୍ଟାଲ କୁଇଣ୍ଟାଲ କାଙ୍କଡ଼ । ପଥୁରିଆ ମାଟି, ଜମି ହୁଡ଼ା, ପଡ଼ିଆ ଜମିରେ ବର୍ଷ ବର୍ଷ ଧରି କାଙ୍କଡ଼ ଚାଷ କରି ଆସୁଛନ୍ତି ଚାଷୀ l ବଜାରରେ ଏହାର ଚାହିଦା ରହିଥିବା ବେଳେ କମ ଦରରେ କାଙ୍କଡ଼ ବିକ୍ରି କରି କ୍ଷତି ସହୁଛନ୍ତି ଅନେକ ଚାଷୀ l ଉପଯୁକ୍ତ ବଜାର ବ୍ୟବସ୍ଥାନ ଥିବାରୁ ପାହାଡି ଇଲାକାର ଚାଷୀଙ୍କୁ ଭୁଆଁ ବୁଲାଇ କମ ଦରରେ କିଣି ମାଳେମାଲ ହେଉଛନ୍ତି ସୀମାନ୍ତ ଛତିଶଗଡ଼ର ଦଲାଲ l

ଏହି ଅଞ୍ଚଳରୁ ଚାଷୀଙ୍କ ଠାରୁ ଦଲାଲ ମାନେ ମାତ୍ର ୪୦ ଟଙ୍କାରେ କାଙ୍କଡ଼ କିଣି ଦୈନିକ ବଜାରରେ ୧୫୦ ଟଙ୍କାରେ ବିକ୍ରି କରୁଥିବା ମଧ୍ୟ ନଜିର ରହିଛି । ଚାଷ ପ୍ରତି କୌଣସି ସରକାରୀ ପ୍ରୋତ୍ସାହନ ନ ଥିବାରୁ ଚାଷୀ ଏବେ ଧୀରେ ଧୀରେ କାଙ୍କଡ଼ ଚାଷରୁ ମୁହଁ ଫେରାଉଛନ୍ତି l କାଙ୍କଡ଼ ଚାଷର ଠିକ ଦର, ବଜାର ବ୍ୟବସ୍ଥା ଏବଂ ସରକାରୀ ସହାୟତା ପାଇଁ ସେମାନେ ଦାବି କରିଛନ୍ତି ।

ବଜାରରେ ବେଶ ଚାହିଦା ଥିବା କାଙ୍କଡ଼ ଏବେ ଚାଷୀଙ୍କ ପାଇଁ ଦୁଃଖର କାରଣ ପାଲଟିଛି l ସରକାରୀ ସ୍ତରରେ ଚାଷୀଙ୍କ ପାଇଁ ବ୍ୟବସ୍ଥା କଲେ ଚାଷୀ ଆହୁରି ଉପକୃତ ହୁଅନ୍ତେ ।