କାହିଁକି ଆତ୍ହାହୂତି ଉଦ୍ୟମ କଲେ ବାଲେଶ୍ବର ଏଫଏମ୍ କଲେଜ ଛାତ୍ରୀ, କାହିଁକି ପିଡୀତାଙ୍କୁ ମିଳିଲାନି ନ୍ୟାୟ । ପିଡିତାଙ୍କ ଭାଇ ଏନେଇ କଲେଜର ଇଣ୍ଟରନାଲ କମିଟି ଉପରେ ବର୍ଷିଛନ୍ତି । ଅଭିଯୋଗ କରିଛନ୍ତି, କମିଟିର ତଦନ୍ତ ଅଧ୍ୟାପକ ସମୀରଙ୍କୁ ସୁହାଇବା ଭଳି କରାଯାଇଛି । ଅଧ୍ୟକ୍ଷଙ୍କୁ ବି ବହିଷ୍କାର ସହ ଗିରଫ ପାଇଁ ଦାବି କରିଛନ୍ତି। ସରକାରଙ୍କ ଉପରେ ଭରଷା ଅଛି ନ୍ୟାୟ ମିଳିବ ବୋଲି ସେ କହିଛନ୍ତି ।...ଉଚ୍ଚଶିକ୍ଷା ମନ୍ତ୍ରୀ ସୂରଜ ସୂର୍ଯ୍ୟବଂଶୀ କହିଛନ୍ତି ତଦନ୍ତ ଚାଲିଛି, ତଦନ୍ତ ରିପୋର୍ଟ ଆସିଲେ ଅକ୍ସନ ନିଆଯିବ ।

ଶନିବାର ଦିନ କଲେଜ କ୍ୟାମ୍ପସ ପରିସରରେ ପେଟ୍ରୋଲ ଢାଳି ଆତ୍ମାହୂତି ଉଦ୍ୟମ କରିଥିଲେ ପିଡୀତା। ସଙ୍ଗେ ସଙ୍ଗେ ଆକସନ୍ ମୋଡକୁ ଆସିଥିଲେ ସରକାର
-ତୁରନ୍ତ ଚିକିତ୍ସା ପାଇଁ ପିଡୀତାଙ୍କୁ ଅଣାଗଲା ଭୁବନେଶ୍ବର ଏମସ
-ଅଭିଯୁକ୍ତ ଏଚଓଡି ସମୀର ସାହୁ ଗିରଫ ହେଲେ
-ଅଧ୍ୟକ୍ଷ ଦିଲ୍ଲୀପ ଘୋଷ ସସପେଣ୍ଡ ହେଲେ
-ଘଟଣାର ନିରପେକ୍ଷ ତଦନ୍ତ ପାଇଁ ଉଚ୍ଚସ୍ତରୀୟ କମିଟି ଗଠନ ହେଲା
-ଉଚ୍ଚଶିକ୍ଷାମନ୍ତ୍ରୀ ଏମସ ଯାଇ ଚିକିତ୍ସାର ତଦାରଖ କଲେ

କଲେଜ କ୍ୟାମ୍ପସରେ ଏଭଳି ସମ୍ବେଦନଶୀଳ ଘଟଣାକୁ ନେଇ ଚିନ୍ତା ପ୍ରକାଶ ପାଇଛି। ତେବେ ଏଭଳି ଘଟଣାରେ ଯେଭଳି ପୁନରାବୃତ୍ତି ନହୁଏ ସେ ଦିଗରେ ପଦକ୍ଷେପ ନେଉଛନ୍ତି ରାଜ୍ୟ ସରକାର ।