ଅର୍ଗସ ବ୍ୟୁରୋ:ଦୁଇ ଦିନିଆ ଓଡିଶା ଗସ୍ତରେ ଆସିଛନ୍ତି ସିଙ୍ଗାପୁର ରାଷ୍ଟ୍ରପତି ଥର୍‍ମନ ସନ୍‍ମୁଗ୍‍ରତ୍ନମ । ଭୁବନେଶ୍ୱର ବିମାନ ବନ୍ଦରରେ ଥର୍‍ମନ ସନ୍‍ମୁଗ୍‍ରତ୍ନମ ପହଁଚିବା ପରେ ରାଜ୍ୟ ସରକାରଙ୍କ ପକ୍ଷରୁ କରାଯାଇଛି ଭବ୍ୟ ସ୍ୱାଗତ । ପରେ ବିଶ୍ଵ ଦକ୍ଷତା କେନ୍ଦ୍ର ପରିସରରେ ଓଡ଼ିଶା ଓ ସିଙ୍ଗାପୁରର ମଧ୍ୟରେ ୮ MOU ସ୍ବାକ୍ଷର ହୋଇଛି । ଯେଉଁଥିରେ ରହିଛି
1. ଭବିଷ୍ୟତ ପାଇଁ ଦକ୍ଷତା ବିକାଶ: ଓଡ଼ିଶାରେ ଏହି କ୍ଷେତ୍ରରେ ବ୍ୟାପକତା ଲାଗି ରାଜ୍ୟ ଦକ୍ଷତା ବିକାଶ ଓ ବୈଷୟିକ ଜ୍ଞାନ କୌଶଳ ଶିକ୍ଷା ବିଭାଗ ଓ ସିଙ୍ଗାପୁରସ୍ଥିତ ଆଇଟିଇ ଏଜୁକେସନ ସର୍ଭିସେସ ମଧ୍ୟରେ ବୁଝାମଣା ପତ୍ର ସ୍ବାକ୍ଷର ।
2. ଅକ୍ଷୟ ଶକ୍ତି ଜ୍ଞାନ କୌଶଳ ସଂପର୍କରେ ଗବେଷଣା ପାଇଁ ରାଜ୍ୟ ଶକ୍ତି ବିଭାଗ, IIT ଭୁବନେଶ୍ୱର ଓ ସିଙ୍ଗାପୁରର ନାନ୍ୟାଙ୍ଗ ଟେକ୍ନୋଲଜିକାଲ ୟୁନଭରସିଟି ମଧ୍ୟରେ ତ୍ରିପାକ୍ଷିକ MOU ସ୍ବାକ୍ଷର
3. ରାଜ୍ୟରେ ଇଣ୍ଡଷ୍ଟ୍ରିଆଲ ପାର୍କ ସ୍ଥାପନ ପାଇଁ ଇଡକୋ ସହ ସିଙ୍ଗାପୁରର ସେମ୍ବକର୍ପ ସହ MOU ।
4. ଭୁବନେଶ୍ଵରରେ ନୂତନ ସହର ବିକାଶ ଲାଗି ବିଡିଏ ସହ ସିଙ୍ଗାପୁରର ସୁରବନ ଜୁରଙ୍ଗ ସହ ବୁଝାମଣା ପତ୍ର ସ୍ବାକ୍ଷର ।
5. ସେମିକଣ୍ଡକ୍ଟର କ୍ଷେତ୍ରରେ ଦକ୍ଷତା ବିକାଶ ଲାଗି ରାଜ୍ୟ ଦକ୍ଷତା ବିକାଶ ବିଭାଗ ସହ ସିଙ୍ଗାପୁରସ୍ଥିତ ଆଇଟିଇ ଏଜୁକେସନ ସର୍ଭିସେସ ମଧ୍ୟରେ MOU ।
6. ଗ୍ରୀନ ହାଇଡ୍ରୋଜେନ୍ କରିଡ଼ର ସ୍ଥାପନ ଲାଗି ଇପିକଲ ଓ ସିଙ୍ଗାପୁରର ସେମ୍ୱକର୍ପ ମଧ୍ୟରେ ବୁଝାମଣାପତ୍ର ସ୍ବାକ୍ଷର ।
7. ପାରାଦୀପରେ ପେଟ୍ରୋଲିୟମ, କେମିକାଲ ଓ ପେଟ୍ରୋ କେମିକାଲ ନିବେଶ କ୍ଷେତ୍ର ଲାଗି ଇଡକୋ ସହ ସିଙ୍ଗାପୁରର ସୁରବନ ଜୁରଙ୍ଗ ମଧ୍ୟରେ MOU ।
8. ଓଡ଼ିଶାରେ ଆର୍ଥିକ ଓ ପ୍ରଯୁକ୍ତିଗତ ପରିଚାଳନାର ସୁଦୃଢ଼ୀକରଣ ପାଇଁ ରାଜ୍ୟ ବିଜ୍ଞାନ ତଥା ସୂଚନା ଓ ପ୍ରଯୁକ୍ତି ବିଭାଗ ସହ ସିଙ୍ଗାପୁରରେ GFTN ସହ MOU ।

ସିଙ୍ଗାପୁର ରାଷ୍ଟ୍ରପତିଙ୍କ ଓଡ଼ିଶା ଗସ୍ତ ଶିଳ୍ପ ସମୃଦ୍ଧି ଦିଗରେ ବି ସୃଷ୍ଟି କରିଛି ବଡ଼ ସମ୍ଭାବନା । ରାଜ୍ୟ ସରକାରଙ୍କ ପକ୍ଷରୁ ଆୟୋଜିତ ହେବାକୁ ଉତ୍କର୍ଷ ଓଡ଼ିଶା କାର୍ଯ୍ୟକ୍ରମ ଲାଗି ଏହା ପଥ ପଦର୍ଶକ ହେବାକୁ ଯାଉଛି । କଣ୍ଟ୍ରି ପାଟନର ଥିବା ସିଙ୍ଗାପୁର ଓଡ଼ିଶାର ସହରାଞ୍ଚଳ ଯୋଜନା, ବନ୍ଦର ପରିଚାଳନା, ଲଜିଷ୍ଟିକ୍‍ସ, ସବୁଜ ଶକ୍ତି ଓ ଦକ୍ଷତା ବିକାଶ କାର୍ଯ୍ୟକ୍ରମରେ ଅଧିକ ସହଯୋଗର ସମ୍ଭାବନା ରହିଛି । ନୂଆ ସରକାର ଗତ 6 ମାସରେ 2 ଲକ୍ଷ 40 ହଜାର କୋଟି ପୁଞ୍ଜି ନିବେଶ ରାଜ୍ୟ କୁ ଆଣିଥିବା ବେଳେ ସିଙ୍ଗାପୁର ଓ ଓଡ଼ିଶା ମଧ୍ୟରେ ଚୁକ୍ତି ସ୍ବାକ୍ଷର ଶିଳ୍ପ କ୍ଷେତ୍ର କୁ ଅଧିକ ବୁଷ୍ଟ କରିଛି ।

ସିଙ୍ଗାପୁର ଛୋଟ ଦେଶ । ଜନସଂଖ୍ୟା 60 ଲକ୍ଷ 40 ହଜାର.. ଦେଶର 65 ପ୍ରତିଶତ ଲୋକ ଚାକିରିଆ... ବାହାର ଦେଶକୁ ରପ୍ତାନୀ କରୁଛନ୍ତି ଖାଦ୍ୟ ସାମଗ୍ରୀ , କସମେଟିକ, ଇଲୋକ୍ଟ୍ରୋନିକସ ଓ ଟେଲିକମ୍ୟୁନିକେସନ ଯନ୍ତ୍ରାଂଶ, ମେଡିକାଲ ଉପକରଣ , ରିଫାଇନ ପେଟ୍ରୋଲିୟମ ପଦାର୍ଥ ପରି ସାମଗ୍ରୀ... ଦେଶ ଛୋଟ ହେଲେ ମୁଣ୍ଡ ପିଛା ଆୟ ହିସାବରେ ବିଶ୍ବରେ ତୃତୀୟ ।  ଆମେରିକା, ଚୀନ, ଜାପାନ , ଅଷ୍ଟ୍ରେଲିଆ ପରି ପଡ ଦେଶକୁ କରୁଛି ରପ୍ତାନୀ । ଏବେ ସିଙ୍ଗାପୁର ମଡେଲ ଓଡିଶାକୁ ଦେଖାଇବ କି ରାସ୍ତା ସାକାର ହେବ କି ବିକଶିତ ଓଡିଶାର ସ୍ବପ୍ନ