ଅର୍ଗସ ବ୍ୟୁରୋ: ଦୀର୍ଘ ୨୫ବର୍ଷ ଶାସନରେ ମିଛ ପ୍ରଚାର ଓ ପ୍ରତିଶ୍ରୁତି ଶୁଣିଶୁଣି ଅତିଷ୍ଠ ଜନତା । ଭଦ୍ରକ ଜିଲ୍ଲା ଧାମନଗରରେ ମୌଳିକ ସୁବିଧାରୁ ବଞ୍ଚିତ ଲୋକେ ଖୋଲିଲେ ବିଜେଡି ସରକାରର ପୋଲ୍। ନିର୍ବାଚନ ସମୟରେ ବିଜେଡି ନେତାଙ୍କ ପାଦ ପଡ଼େ ଗାଁରେ । ଗରିବଙ୍କୁ ହାତଗୁଞ୍ଜା ମିଳେ ୨ ଶହରୁ ୩ଶହ । ତା'ପରେ ପୁଣି ନିର୍ବାଚନ ଆସିଲେ ନେତାଙ୍କ ଦେଖା ମିଳେ। ବିକାଶର ମିଛ ଡିଣ୍ଡିମ ପିଟୁଥିବା ବିଜେଡି ସରକାରଙ୍କ ପାଖରେ ଧାମନଗର ବ୍ଲକର ଗହୋରିପଡା ଗାଁ ମହିଳାଙ୍କ ପ୍ରଶ୍ନର ଉତ୍ତର ଅଛି ତ ?

ବିକାଶ ଠାରୁ ଅନେକ ଦୂରରେ ଧାମନଗର ବ୍ଲକର କଟସାହି ପଞ୍ଚାୟତ । ନା ଅଛି ଶୌଚାଳୟ, ନା ମୁଣ୍ଡ ଉପରେ ଛାତ । ନାହିଁ ନାହିଁ ଭିତରେ ଦୂଷିତ ପୋଖରୀ ପାଣିରେ ମେଣ୍ଟୁଛି ଲୋକଙ୍କ ଶୋଷ। ଆଉ ନୁହେଁ, ନିର୍ବାଚନ ସମୟରେ ଟଙ୍କା ଧରିବୁନାହିଁ, ଏ ସରକାରଙ୍କୁ ଆମେ ଉଚିତ୍ ଜବାବ ଦେବୁ ବୋଲି କହିଛନ୍ତି ଗ୍ରାମବାସୀ । 
ପ୍ରତିଶ୍ରୁତି ଦେଇ ଧୋକା ଦେବା ସହ ଦୁର୍ନୀତି କରି ସରକାରୀ ଅର୍ଥ ହରିଲୁଟ କରୁଛନ୍ତି ବିଜେଡି ଦଲାଲ ।

କଟସାହି ପଞ୍ଚାୟତରେ ଦଳ ଭର୍ତ୍ତି ୪ଟି ପୋଖରୀରେ ମାଛ ଚାଷ ନାଁରେ ଲକ୍ଷ ଲକ୍ଷ ଟଙ୍କା ଲୁଣ୍ଠନ ହୋଇଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା । ବିନା ଭିତ୍ତିଭୂମି ପରୀକ୍ଷାରେ ମତ୍ସ୍ୟ ସଂପଦ ବିଭାଗ ଓ ମିଶନ ଶକ୍ତି ତରଫରୁ ବିଭିନ୍ନ SSG ଗ୍ରୁପକୁ  ମାଛ ଚାଷ ପାଇଁ ଋଣ ଦିଆଯାଇଛି । କିନ୍ତୁ କେଉଁଠି ମାଛ ଚାଷ ହୋଇଛି ବୋଲି ପ୍ରଶ୍ନ କରିଛନ୍ତି ଗ୍ରାମବାସୀ । ପଞ୍ଚାୟତର 4ଟି ପୋଖରୀରେ ମାଛ ଚାଷ ପାଇଁ ୬ଲକ୍ଷରୁ ଅଧିକ ଅର୍ଥ ଉଠାଯାଇଥିବା ଅଭିଯୋଗ ହୋଇଛି । ଅଭିଯୋଗ ପରେବି ଫଳ ଶୂନ । ଲୋକଙ୍କ ପ୍ରଶ୍ନର ଉତ୍ତର ଦେଇ ନ ପାରି ହଟହଟା ହୋଇଛନ୍ତି ଦୁଇ ତଦନ୍ତକାରୀ ଅଧିକାରୀ ।

ପୂର୍ବ ଉପନିର୍ବାଚନ ସମୟରେ ମଧ୍ୟ ବିଜେଡି କର୍ମୀ ଭୋଟରଙ୍କୁ ଟଙ୍କା ବାଣ୍ଟୁଥିବା ଭିଡିଓ ସାମ୍ନାକୁ ଆସିଥିଲା । ଲୋକଙ୍କ ସମସ୍ୟା ଦୂର କରିବା ବଦଳରେ ନୋଟ୍ ଦେଇ ଭୋଟ ନେବାକୁ ଚାହୁଁଥିବା ଦଳକୁ ମିଳିବ କଡ଼ା ଜବାବ। 

ଅଧିକ ପଢ଼ନ୍ତୁ ନିର୍ବାଚନ ଖବର