ଆଜି ଠାରୁ ରାଜ୍ୟବ୍ୟାପୀ ଡ୍ରାଇଭର ସଂଘର ଷ୍ଟିୟରିଂ ଛାଡ ଆନ୍ଦୋଳନ । ଏନେଇ ସୋମବାର ଓଡ଼ିଶା ଡ୍ରାଇଭର ମହାସଂଘ ସୂଚନା ଦେଇଥିଲା । ୬ ଦଫା ଦାବି ନେଇ ଆନ୍ଦୋଳନକୁ ଓହ୍ଲାଇଛି ସଂଘ । ଜରୁରୀକାଳୀନ ସେବାରେ ନିୟୋଜିତ ଡ୍ରାଇଭର ଆନ୍ଦୋଳନରେ ସାମିଲ ହେବେନି । ସେପଟେ ଝାରସୁଗୁଡାରେ ଷ୍ଟେରିଙ୍ଗ ଛାଡ଼ ଆନ୍ଦୋଳନରେ ସାମିଲ ହେବନି ବୀର ସୁରେନ୍ଦ୍ର ସାଏ ଏୟାରପୋର୍ଟ ଟ୍ୟାକ୍ସି ଆସୋସିଏସନ୍ । ତେଣୁ ଝାରସୁଗୁଡା ପୋଲିସ ଠାରୁ ସୁରକ୍ଷା ଦାବି କରିଛି ସଂଘ ।

କାରଣ ନିର୍ଦ୍ଧିଷ୍ଟ ଡ୍ରାଇଭର ସଂଘ ଶସ୍ତା ରାଜନୀତି, ଆତ୍ମ ପ୍ରଚାର ଓ ନିଜର ବ୍ୟକ୍ତିଗତ ସ୍ବାର୍ଥ ସାଧନ ନିମନ୍ତେ ଡ୍ରାଇଭର ଭାଇମାନଙ୍କୁ ମିଥ୍ୟା ପ୍ରତିଶୃତି ଦେଇ, ଭଣ୍ଡେଇ ତାଙ୍କର ମାସିକ ପେନସନ ସୁବିଧା ଭଳି ମିଥ୍ୟା ଭେଳିକି କରି ବାରମ୍ଵାର ରାଜରାସ୍ତାକୁ ଆଣୁଛନ୍ତି I ଯେଉଁ ମାନେ ବିଗତ ଦିନରେ ତାଙ୍କର ଆନ୍ଦୋଳନରେ ସାମିଲ ନ ଥିଲେ କି ବର୍ତମାନ ସାମିଲ ହେବେ ନାହଁ, ତାଙ୍କୁ ଡରେଇ ଧମକାଇ କଙ୍ଗାରୁ କୋର୍ଟ ଜରିଆରେ ଦଣ୍ଡ ବିଧାନ ବ୍ୟବସ୍ଥାକୁ ଆମ୍ଭେ ଘୋର ନିନ୍ଦା କରୁଛୁ ବୋଲି ଦାବି କରିଛନ୍ତି ।