ଦେବଗଡ:ଏକ କୋଟିର ଗଞ୍ଜେଇ ଜବତ ।  ଗଞ୍ଜେଇ ଚାଲାଣ ଉଦ୍ୟମ ବେଳେ ମାଡି ବସିଲା ଏସଟିଏଫ । ଦେବଗଡ ଜିଲ୍ଲା ରିଆମାଳ ଥାନା ବଞ୍ଜାରୀ ଗ୍ରାମ ନିକଟ ଏକ ଷ୍ଟକ ୟାର୍ଡ ଉପରେ STFର ଚଢାଉ ।  ୧୧ କ୍ବିଣ୍ଟାଲରୁ ଅଧିକ ଗଞ୍ଜେଇ ସହ ଏକ ହାଇୱା, ଟ୍ରକ ଏବଂ ପିକଅପ ଭ୍ୟାନ ଜବତ କରାଯାଇଛି । ଘଟଣାରେ ଜଣେ ପେଶାଦାର ଗଞ୍ଜେଇ ବେପାରୀ ସହିତ ୪ ଜଣ ଯୁବକଙ୍କୁ ଗିରଫ କରାଯାଇଛି ।  ଚଢଉ ସମୟରେ ଅଖା ବସ୍ତା ବୋଝେଇ ଏକ ଟ୍ରକ ଭିତରୁ ୮୭ ବସ୍ତା ବେଆଇନ ଗଞ୍ଜେଇ ଠାବ କରାଯାଇଥିଲା । ଯାହାର ବଜାର ମୂଲ୍ୟ ଏକ କୋଟିରୁ ଅଧିକ ଟଙ୍କା ବୋଲି ଜଣାପଡିଛି । ଗିରଫ ୪ ଜଣ ଯୁବକ ରେଢାଖୋଲର ଆଶିଷ କୁମାର ବାରିକ, ବରଗଡର ସୁବାସ ଶିକଦାର, ଅନୁଗୁଳ ଜିଲ୍ଲାର ରତନ କିଶୋର ସାହୁ ଓ ଛେଣ୍ଡିପଦା ଥାନା ତେଲିବଣି ଗ୍ରାମର ସମିତ ନାୟକ ।  ଆସିଷ ଜଣେ ପେଷାଦାର ଗଞ୍ଜେଇ ବେପାରୀ ହୋଇଥିବା ବେଳେ ୨୦୨୧ ମସିହାରେ ପ୍ରାୟ ୨ ଟନ ଗଞ୍ଜେଇ ଚୋରାଚାଲାଣ କରୁଥିବା ବେଳେ ଏସଟିଏଫ୍ ଦ୍ୱାରା ଗିରଫ ହୋଇଥଲା