ଗଣେଶ ପୂଜାରେ ଅଭାବନୀୟ ଘଟଣା । ପୂଜାରେ ସ୍କୁଲରେ ଟଳି ପଡ଼ିଲେ ନବମ ଶ୍ରେଣୀ ଛାତ୍ର । ମୃତ ଛାତ୍ର ହେଲେ ପ୍ରିୟାନ୍ସୁ ପ୍ରିତମ ଦାସବାବୁ ।

ନୀଳଗିରି ବ୍ଲକ ଜଡ଼ିଦା ପଞ୍ଚାୟତର ପୋଡ଼ାଶୁଳ ଠାରେ ଥିବା ରାଧା ମାଧବ ଜୀଉ ଉଚ୍ଚ ବିଦ୍ୟାଳୟରେ ନବମ ଶ୍ରେଣୀରେ ପଢୁଥିଲେ । ସିଆଡିମାଳ ଗାଁର ଲକ୍ଷ୍ମୀ ନାରାୟଣ ଦାସବାବୁଙ୍କ ପୁଅ ପ୍ରିୟାନ୍ସୁ ପ୍ରିତମ ଦାସବାବୁ । ମୃତ ଛାତ୍ରଙ୍କ ବାପାଙ୍କ କହିବା କଥା ସ୍କୁଲରେ ପୂଜା ଚାଲିଥିଲା । ତା ସହ ମ୍ୟୁଜିକ୍ ମଧ୍ୟ ବାଜୁଥିଲା । ମ୍ୟୁଜିକ୍ ବଜାଇ ସବୁ ଛୁଆ ନାଚୁଥିଲେ । ପ୍ରିୟାନ୍ସୁ ମଧ୍ୟ ଡ୍ୟାନ୍ସ କରୁଥିଲେ । ନାଚୁ ନାଚୁ ହଠାତ୍ ଟଳିପଡିଥିଲେ । ତାଙ୍କୁ ସଙ୍ଗେ ସ୍କୁଲ ଶିକ୍ଷକ ଓ ମୃତ ପ୍ରିୟାନ୍ସୁଙ୍କ ବାପା ନୀଳଗିରି ଡାକ୍ତରଖାନା ନେଇଥିଲେ । ସେଠା ଡାକ୍ତର ତାଙ୍କୁ ଛାତ୍ରଙ୍କର ହୃଦଘାତରୁ ମୃତ୍ୟୁ ହୋଇଥିବା ଘୋଷଣା କରିଛନ୍ତି । ଏ ଘଟଣା ପରେ ସ୍କୁଲ ଏବଂ ପୁରା ଗାଁରେ ଶୋକର ଛାୟା ଖେଳିଯାଇଛି ।