ଅର୍ଗସ ବ୍ୟୁରୋ:  ଖରା, ବର୍ଷା କି ଶୀତ ହେଉ । ଛାତ୍ରଛାତ୍ରୀଙ୍କୁ ଭରସା ବାରଣ୍ଡା । ଏମିତି ହୋଇଛି ବିଜେଡି ସରକାରବେଳେ 5T ସ୍କୁଲର ରୂପାନ୍ତରଣ । ବର୍ଷ ବର୍ଷ ଧରି ସମସ୍ୟାରେ କୁନି କୁନି ପିଲା ।ଏ ହେଉଛି ଗଜପତି ଜିଲ୍ଲା ରାୟଗଡ ବ୍ଲକ ଲୋବା ପଞ୍ଚାୟତ ତାଲା ସାହି ଗାଁ ପ୍ରାଥମିକ ବିଦ୍ୟାଳୟ । ୧୯୫୯ ମସିହାରେ ସ୍ଥାପନ ହୋଇଥିବା ଏହି ସ୍କୁଲରେ ରହିଛି ଶ୍ରେଣୀଗୃହର ଘୋର ସମସ୍ୟା । ପ୍ରଥମରୁ 5ମ ଶ୍ରେଣୀ ପର୍ଯ୍ୟନ୍ତ ୬୪ ଜଣ ଛାତ୍ରଛାତ୍ରୀ ଅଧ୍ୟୟନ କରୁଥିବାବେଳେ ମୋଟ ୮ ଜଣ ଶିକ୍ଷକ ଶିକ୍ଷୟିତ୍ରୀ ଅଛନ୍ତି । 5ଟି ଶ୍ରେଣୀ ପାଇଁ ବିଦ୍ୟାଳୟରେ ରହିଛି ମାତ୍ର ଗୋଟିଏ କୋଠା ଘର । ଏହି ଘରେ ବିଦ୍ୟାଳୟ କାର୍ଯ୍ୟାଳୟ ଚାଲୁଥିବାବେଳେ ଗୋଟିଏ ଶ୍ରେଣୀର ପିଲା ବସି ପାଠ ପଢୁଛନ୍ତି । ବାକି 3ଟି ଶ୍ରେଣୀର ପିଲାଙ୍କୁ ବାରଣ୍ଡାରେ ଶିକ୍ଷାଦାନ କରାଯାଉଛି ।.. ଖାଲି ସେତିକି ନୁହେଁ, ସ୍କୁଲର ସୁରକ୍ଷା ପାଚେରୀ ନଥିବାବେଳେ ଶୌଚାଳୟର ଅବସ୍ଥା ଶୋଚନୀୟ ହୋଇପଡିଛି ।

ବାରମ୍ବାର ଅଭିଯୋଗ ପରେ ନୂତନ କ୍ଲାସରୁମ୍ ନିର୍ମାଣ ଲାଗି 5T ଜରିଆରେ ଲକ୍ଷ ଲକ୍ଷ ଟଙ୍କା ଆସିଥିଲା । ହେଲେ ଶ୍ରେଣୀଗୃହ ଅଧପନ୍ତରିଆ ଅବସ୍ଥାରେ ପଡି ରହିଥିବାବେଳେ ଟଙ୍କା ହରିଲୁଟର ଅଭିଯୋଗ ହୋଇଛି । କେବଳ ତାଲାସାହି ପ୍ରାଥମିକ ବିଦ୍ୟାଳୟ ନୁହେଁ । ଏ ଦୃଶ୍ୟ ଦେଖନ୍ତୁ, ଭ୍ରମରସିଂ ଗାଁରେ ମଧ୍ୟ ବାରଣ୍ଡାରେ ଚାଲିଛି ଅଙ୍ଗନୱାଡି କେନ୍ଦ୍ର ।... ଏହି କେନ୍ଦ୍ରର ନୂତନ ଗୃହ କାମ ନିର୍ମାଣ ହୋଇ ଦୀର୍ଘ ୨୦ ବର୍ଷ ହେଲା ସମ୍ପୂର୍ଣ୍ଣ ହୋଇପାରୁନଥିବାବେଳେ ପିଲାମାନେ ନାହିଁ ନଥିବାର ଅସୁବିଧାର ସମ୍ମୁଖୀନ ହେଉଛନ୍ତି ।