ରମାଦେବୀ ମହିଳା ବିଶ୍ବବିଦ୍ୟାଳୟ ବାହାରେ ଛାତ୍ରୀଙ୍କ ବିକ୍ଷୋଭ
ଭୁବନେଶ୍ୱର: ଅସହ୍ୟ ଗରମରେ ଆଉଟୁ ପାଉଟୁ ପୁରା ରାଜ୍ୟ । ଆଉ ଏ ତାତିରେ ପରୀକ୍ଷା ଦେବା ଅସମ୍ଭବ । ଏନେଇ ରମାଦେବୀ ମହିଳା ବିଶ୍ବବିଦ୍ୟାଳୟ ବାହାରେ ବିକ୍ଷୋଭ ପ୍ରଦର୍ଶନ କରୁଛନ୍ତି ଯୁକ୍ତ 3 ଦ୍ୱିତୀୟ ବର୍ଷ ଛାତ୍ରୀ । ଯୁକ୍ତ ୩ ଦ୍ବିତୀୟ ବର୍ଷ ପରୀକ୍ଷା ଘୁଞ୍ଚାଇବା ପାଇଁ ଦାବି କରିଛନ୍ତି ଛାତ୍ରୀ । ପ୍ରବଳ ଖରା ହେଉଥିବାରୁ ବିଶ୍ବବିଦ୍ୟାଳୟ ଆସି ପରୀକ୍ଷା ଦେବା ସମ୍ଭବପର ନୁହଁ ବୋଲି ଦାବି ନେଇ ଆନ୍ଦୋଳନ କରିଛନ୍ତି ।
ଗତକାଲି କୁଳପତି କାର୍ଯ୍ୟାଳୟ ବାହାରେ ଧାରଣାରେ ବସିଥିବାବେଳେ ଆଜି ବିଶ୍ବବିଦ୍ୟାଳୟର ମୁଖ୍ୟ ଫାଟକ ବାହାରେ ବସିଛନ୍ତି ଛାତ୍ରୀ । ସେପଟେ ଆସନ୍ତା 30 ରୁ ମେ' 18 ତାରିଖ ଯାଏଁ ଚାଲିବ ଯୁକ୍ତ 3 ପରୀକ୍ଷା । ସେପଟେ ଦିନ 11 ଟା 30 ସୁଦ୍ଧା ଭୁବନେଶ୍ୱରରେ 39.2 ଡିଗ୍ରୀ ତାପମାତ୍ରା ରେକର୍ଡ ହୋଇଛି ।
ଆଜି ଦିନ ୧୧ଟା ୩୦ ସୁଦ୍ଧା ରେକର୍ଡ ତାପମାତ୍ରା
ଝାରସୁଗୁଡା: ୪୦.୪
ସମ୍ବଲପୁର: ୪୦
କେନ୍ଦୁଝର: ୪୦
ଚାନ୍ଦବାଲି: ୩୯.୬
ଭୁବନେଶ୍ୱର: ୩୯.୨
ହୀରାକୁଦ: ୩୯.୨
ବାଲେଶ୍ୱର: ୩୯
ରାଉରକେଲା: ୩୮.୮
ପୁରୀ: ୩୪.୨
ପାରାଦୀପ: ୩୩.୪
ଗୋପାଳପୁର: ୩୩.୪
