ସମ୍ବଲପୁର ମାଣପୁରମ ଗୋଲ୍ଡ ଲୋନରୁ ଡକାୟତି ଘଟଣାକୁ ଇତି ମଧ୍ୟରେ ୩ ମାସ ବିତିଗଲାଣି । ଏଯାଏ ମିଳିଲାନାହି ଡକାୟତି ହୋଇଥିବା ୨୮ କେଜି ୫୦୦ ଗ୍ରାମରୁ ଉର୍ଦ୍ଧ ସୁନା ଓ ୪ ଲକ୍ଷରୁ ଅଧିକ ଟଙ୍କା । ଏହି ଡକାୟତିର ମାଷ୍ଟର ମାଇଣ୍ତ ସୁବୋଧ ସିଂ କୁ ସମ୍ବଲପୁର ଆଣି ୭ ଦିନିଆ ରିମାଣ୍ତରେ ନେଇ ଅଧିକ ତଦନ୍ତ ଚଲାଇଛି ପୋଲିସ । ସୁବୋଧ ଆନ୍ତରାଜ୍ୟ ଡକାୟତ ହୋଇଥିବାରୁ ସାରା ଦେଶରେ ତା ନାଁରେ ୨୮ ଟି ମାମଲା ରହିଛି। ୧୨ ଟି ସୁନା ଡକାୟତି, ୫ ଟି ହତ୍ୟା ଓ ଆମ୍ସ ଆକ୍ଟ ମାମଲା ରହିଛି ତା ନାଁରେ। ସୁବୋଧ ସିଂ ସୁନା ଡକାୟତି ଓ ଜଣେ ବିଜେପି ନେତା ହତ୍ୟା ମାମଲାରେ ପଶ୍ଚିମ ବଙ୍ଗ ପ୍ରେସିଡେନ୍ସି ଜେଲରେ ଏବେ ରହିଛି । ସେହି ଜେଲରେ ରହି ସୁବୋଧ ସିଂ ସମ୍ବଲପୁର ସମେତ ଯାଜପୁର ପାଣି କୋଇଲିରେ ଡକାୟତି କରାଇଥିବା ଉତ୍ତରାଂଚଳ ପୋଲିସ ଆଇଜି କହିଛନ୍ତି ।

ସୁବୋଧ ସିଂ ସୁନା ଡକାୟତି ପରେ ନେପାଲରେ ବିକ୍ରି କରି ହାଓ୍ବାଲା ଜରିଆରେ ଟଙ୍କା ଆଣୁଥିବା ଜଣାପଡିଛି । ଏବେ ଚୋରି ହୋଇଥିବା ସୁନା ମଧ୍ୟ ନେପାଳ ପହଂଚିଥିବା ସନ୍ଦେହ କରୁଛି ପୋଲିସ । ସୁବୋଧ ସିଂ ଜେଲରେ ରହି ପଶ୍ଚିମବଙ୍ଗ ଅନ୍ୟ ଏକ ଜେଲରେ ଥିବା ପଲ୍ଲୁ ସିଂକୁ ନିର୍ଦ୍ଦେଶ ଦେଇଥାଏ । ପଲ୍ଲୁ ଗ୍ରାଉଣ୍ତରେ ଥିବା ଡକାୟତ ସହ ଯୋଗଯୋଗ କରି ଲୁଟ କରିଥାନ୍ତି । ତେବେ ଘଟଣାରେ ପୂର୍ବରୁ ୩ ଜଣକୁ ପୋଲିସ ଗିରଫ କରିଥିଲେ ମଧ୍ୟ କିଛି ଫଳ ମିଳିନାହି । ପଶ୍ଚିମ ବଙ୍ଗ ଜେଲରେ ରହି ଦେଶର ବିଭିନ୍ନ ସ୍ଥାନରେ ଲୁଟ ହେବା ପରେ ଜେଲ ସୁରକ୍ଷା ଓ କର୍ମଚାରୀଙ୍କ ଭୁମିକାକୁ ନେଇ ପ୍ରଶ୍ନ ଉଠିଛି ।