ବଲାଙ୍ଗିର କୃଷକ ଶକ୍ତି ସମାବେଶରେ ମୁଖ୍ୟମନ୍ତ୍ରୀଙ୍କୁ କରାଯାଇଥିଲା ଭବ୍ୟ ସ୍ବାଗତ। ପଥରଚେପା ପଡ଼ିଆରେ ଆୟୋଜିତ ସଭାରେ ଉପସ୍ଥିତ ଶହ ଶହ କୃଷକଙ୍କୁ ସମ୍ବୋଧନ କରି ମୁଖ୍ୟମନ୍ତ୍ରୀ ରଖିଛନ୍ତି ନିଜ ସରକାରର ବର୍ଷକର ଓ ମୋଦି ସରକାରର ୧୧ ବର୍ଷର ରିପୋର୍ଟ କାର୍ଡ। ଏଥିସହ ବଲାଙ୍ଗିର ଜିଲ୍ଲା ପାଇଁ କରିଛନ୍ତି ଅନେକ ଘୋଷଣା। ମୋହନ କହିଥିଲେ ବଲାଙ୍ଗିରରୁ ଅଛନ୍ତି କୃଷି ମନ୍ତ୍ରୀ ଓ ସ୍ବାସ୍ଥ୍ୟମନ୍ତ୍ରୀ ତେଣୁ ଏଠାରେ ଚାଲିଛି ଟ୍ରିପଲ ଇଞ୍ଜିନ ସରକାର। ବଲାଙ୍ଗିରେ କୃଷି ଓ କୃଷକର ବିକାଶ ପାଇଁ ଅଭାବ ରହିବନି ପାଣ୍ଠି। ଏଥିସହ ବଲାଙ୍ଗିରରେ କୃଷି ମହାବିଦ୍ୟାଳୟ ଓ ଚିନି କଳ ପ୍ରତିଷ୍ଠା ପାଇଁ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ। ମୁଖ୍ୟମନ୍ତ୍ରୀଙ୍କ ଘୋଷଣା ବଲାଙ୍ଗିରର ବିଜେପି କର୍ମୀଙ୍କ ସମେତ ସ୍ଥାନୀୟ ଚାଷୀଙ୍କୁ କରିଛି ଉତ୍ସାହିତ।

ଏହି ସମାବେଶରେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂ ଦେଓ, ସ୍ବାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ, ପଞ୍ଚାୟତିରାଜ ମନ୍ତ୍ରୀ ରବିନାରାୟଣ ନାୟକଙ୍କ ସମେତ ବଲାଙ୍ଗିର ଓ ବରଗଡ଼ ସାଂସଦ ଡବଲ ଇଞ୍ଜିନ ସରକାରର ବର୍ଷକର ଉପଲବ୍ଧି ସମ୍ପର୍କରେ ଜନସାଧାରଣଙ୍କୁ କରାଇଥିଲେ ଅବଗତ। ସରକାରର ପ୍ରଥମ ବର୍ଷରେ ରାଜ୍ୟର ୩୦ ଟି ଯାକ ଜିଲ୍ଲା ଗସ୍ତ କରିଥିବା ବେଳେ ଦ୍ବିତୀୟ ବର୍ଷରେ ୧୪୭ଟି ଯାକ ନିର୍ବାଚନ ମଣ୍ଡଳୀ ଗସ୍ତ କରିବାକୁ ଲକ୍ଷ୍ୟ ରଖିଛନ୍ତି ମୁଖ୍ୟମନ୍ତ୍ରୀ।