ନିଆଁ ଲଗାଇ ଯୁବକ ଯୁବତୀଙ୍କ ଆତ୍ମହତ୍ୟା ଉଦ୍ୟମ । ମୟୂରଭଞ୍ଜର ରରୁଆଁ ଖିଚିଂ ଗାଁର ପାତାସାହିରେ ଅଭାବନୀୟ କାଣ୍ଡ । ଆତ୍ମାହୁତି ଉଦ୍ୟମ ବେଳେ ଯୁବତୀ ମୃତ ଯୁବକ ଗୁରୁତର । ଜଣେ ମହିଳା ଏବଂ ପୁରୁଷ ଦେହରେ ନିଆଁ ଲଗାଇ ଆତ୍ମହତ୍ୟା ଉଦ୍ୟମ କରିଥିବାର ଅଭିଯୋଗ ହୋଇଛି । ବିଲ ମଝିରୁ ଗୁରୁତର ଅବସ୍ଥାରେ ଉଭୟଙ୍କୁ ଉଦ୍ଧାର କରି ଶୁକୃଳି ଡାକ୍ତରଖାନାରେ ଭର୍ତ୍ତି କରାଯାଇଛି । ଚିକିତ୍ସା ସମୟରେ ଯୁବତୀଙ୍କ ମୃତ୍ୟୁ ହୋଇଥିବା ସୂଚନା ରହିଛି । ଆତ୍ମହତ୍ୟା ଉଦ୍ୟମର କାରଣ ଅସ୍ପଷ୍ଟ ଥିବା ବେଳେ ଘଟଣା ସ୍ଥାନରେ ରରୁଆ ପୋଲିସ ପହଁଞ୍ଚି ତଦନ୍ତ ଆରମ୍ଭ କରିଛନ୍ତି ।

ଆଜିର ଆତ୍ମାହୁତି ଘଟଣା ପରେ ପୁଣି ଥରେ କାଳ ସାଜିଛି ଶନିବାର । ଏଫଏମ କଲେଜରେ ଛାତ୍ରୀ ଜଣଙ୍କ ଶନିବାର ଦିନ ଆତ୍ମହତ୍ୟା ଉଦ୍ୟମ କରିଥିଲେ। ପରେ ଚିକିତ୍ସାଧୀନ ଅବସ୍ଥାରେ ଭୁବନେଶ୍ୱର ଏମସରେ ତାଙ୍କର ଦେହାନ୍ତ ହୋଇଥିଲା । ରାଜ୍ୟରେ ଦିନକୁ ଦିନ ଏଭଳି ଘଟଣା ଘଟୁଥିବାବେଳେ ଏନେଇ ଦୃଢ଼ କାର୍ଯ୍ୟାନୁଷ୍ଠାନ ଆବଶ୍ୟକ। ଯାହାଦ୍ୱାରା ଏଳଭି କାର୍ଯ୍ୟ କରିବା ପୂର୍ବରୁ ଡରିବେ। 

ଅଧିକ ପଢ଼ନ୍ତୁ ଓଡ଼ିଶା ଖବର: