ଅର୍ଗସ ବ୍ୟୁରୋ: ବହୁଚର୍ଚ୍ଚିତ ପାଟଣାଗଡ ପାର୍ସଲ ବୋମା ବିସ୍ଫୋରଣ ଘଟଣା । ହସ୍ତକ୍ଷେପ କଲେ ସର୍ବୋଚ୍ଚ ଅଦାଲତ । ୪ସପ୍ତାହ ମଧ୍ୟରେ ସମସ୍ତ ଶୁଣାଣି ସାରିବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ । ଚାରି ସପ୍ତାହ ମଧ୍ୟରେ ସମସ୍ତ ସାକ୍ଷ୍ୟ ଗ୍ରହଣ କରି ଶୁଣାଣି ସାରିବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ ।

୨୦୧୮ ଫେବ୍ରୁଆରୀ ମାସରେ ହୋଇଥିଲା ପାର୍ସଲ ବୋମା ବିସ୍ଫୋରଣ । ଏହି ମାମଲା ପାଟଣାଗଡ଼ ଅତିରିକ୍ତ ଜିଲ୍ଲା ଦୌରା ଜଜ କୋର୍ଟରେ ବିଚାରାଧିନ ରହିଛି । ଏହି ଘଟଣାର ମୁଖ୍ୟ ଅଭିଯୁକ୍ତ ପୁଞ୍ଜିଲାଲ ମେହେରଙ୍କ ପକ୍ଷରୁ ସୁପ୍ରିମ କୋର୍ଟରେ ଜାମିନ ଆବେଦନ କରାଯାଇଥିଲା । ପୁଞ୍ଜିଲାଲଙ୍କ ଆବେଦନକୁ ବିଚାର କରି ସୁପ୍ରିମକୋର୍ଟ ଏହି ନିର୍ଦ୍ଦେଶ ଦେଇଛନ୍ତି ।

ଏହା ପୂର୍ବରୁ ଗତ ସେପ୍ଟେମ୍ବରରେ କ୍ରାଇମବ୍ରାଞ୍ଚର ତତ୍କାଳୀନ ଆଇଜି ଆଇପିଏସ୍ ଅରୁଣ ବୋଥ୍ରା ପାଟଣାଗଡ଼ କୋର୍ଟରେ ହାଜର ହୋଇ ତଥ୍ୟ ଉପସ୍ଥାପନ କରିଥିଲେ । କୋର୍ଟଙ୍କୁ ପ୍ରଦାନ କରିଥିଲେ ପୁଞ୍ଜିଲାଲ କରିଥିବା ଡେମୋର ଭିଡିଓ ।