ଘରୋଇ ହସ୍ପିଟାଲରେ ନର୍ସଙ୍କ ସନ୍ଦେହଜନକ ମୃତ୍ୟୁ । ହସ୍ପିଟାଲ ବାଥରୁମରୁ ମିଳିଲା ମୃତଦେହ । ଭୁବନେଶ୍ୱର ଚନ୍ଦ୍ରଶେଖରପୁର ଅଞ୍ଚଳରେ ଥିବା ଏକ ଘରୋଇ ହସ୍ପିଟାଲରୁ ମିଳିଲା ମୃତଦେହ । ମହିଳା ନର୍ସ ଜଣକ ଗଞ୍ଜାମ ସାନଖେମୁଣ୍ଡି ବ୍ଲକ ଡି.ଆମ୍ଭଠା ଗାଁର ଶୁଭସ୍ମିତା ରାଉତ । ରାକ୍ଷୀରେ ଘରକୁ ଯିବାକୁ ଛୁଟି ମାଗିଥିଲେ ଶୁଭସ୍ମିତା । ଗତକାଲି ନାଇଟ ଡ୍ୟୁଟି କରିଥିଲେ । ରାତି ୧୦ ଟାରେ ଘର ଲୋକଙ୍କ ସହ ଫୋନରେ କଥା ବାର୍ତ୍ତା କରିଥିଲେ । ରାତି ୩ ଟାରେ ହସ୍ପିଟାଲ ପକ୍ଷରୁ ପରିବାର ଲୋକଙ୍କୁ ଫୋନ କରି ଝିଅ ବାଥରୁମରେ ପଡି ଯାଇଥିବା କହିଥିଲେ । ପରେ ପରିବାର ହସ୍ପିଟାଲରେ ପହଞ୍ଚିବା ପରେ ଝିଅ ମୃତ୍ୟୁ ଖବର ପାଇଲେ । ଘଟଣାସ୍ଥଳରେ ପୋଲିସ ପହଁଚି ଖୋଳତାଡ଼ ଆରମ୍ଭ କରିଛି ।