ଗୋଟିଏ ପରିବାରର ତିନି ଜଣଙ୍କ ସନ୍ଦେହଜନକ ମୃତ୍ୟୁ

ପାରଳାଖେମୁଣ୍ଡିରେ ଗୋଟିଏ ପରିବାରର ତିନି ଜଣଙ୍କ ସନ୍ଦେହଜନକ ମୃତ୍ୟୁ । ଗତକାଲି ଶୁଭାଶିଷ ପାଣିଗ୍ରାହୀ ଓ ତାଙ୍କ ୮ବର୍ଷର ପୁଅ, ୧୧ବର୍ଷର ଝିଅକୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ଗତକାଲି ଶୁଭାଶିଷଙ୍କ ପୁଅ ଓ ଝିଅର ମୃତ୍ୟୁ ହୋଇଥିଲା ।

ଆଜି ଗୁରୁତର ଥିବା ଶୁଭାଶିଷଙ୍କ ମୃତ୍ୟୁ ହୋଇଛି । ତିନିଜଣଙ୍କ ମୃତ୍ୟୁର କାରଣ ଜଣାପଡିନାହିଁ । ଶୁଭାଶିଷ ତାଙ୍କ ପୁଅ ଓ ଝିଅକୁ ବିଷ ଦେଇଥିବା ଅଭିଯୋଗ ହୋଇଛି । ପୂର୍ବରୁ ମାର୍ଚ୍ଚ ୨୨ରେ ଶୁଭାଶିଷଙ୍କ ସ୍ତ୍ରୀଙ୍କର ମୃତ୍ୟୁ ହୋଇଥିଲା । ମୃତ୍ୟୁର କାରଣ ଏଯାଏଁ ଅସ୍ପଷ୍ଟ ରହିଛି । ପାରଳାଖେମୁଣ୍ଡି ପୋଲିସ ଘଟଣାର ତଦନ୍ତ କରୁଛି ।