Series Accident / ପୋଲିସ୍ ବ୍ୟାରିକେଡ୍ ଭାଙ୍ଗି ଲୋକଙ୍କ ଉପରେ ମାଡ଼ିଗଲା Car, ୧୦ରୁ ଅଧିକ ଗୁରୁତର
Key Points
ପୋଲିସ ବ୍ୟାରିକେଡ୍ ଭାଙ୍ଗିବା ସହ ଅନେକ ଗାଡ଼ିକୁ ଧକ୍କା ଦେଇଥିଲା । ଆଇଟିଆଇ ଛକ ପାଖରେ ମଧ୍ୟ ଏକାଧିକ ଗାଡ଼ିକୁ ପଛରୁ ଧକ୍କା ଦେଇ ବାଇପାସ୍ ଛକ ଆଡ଼କୁ ଖସି ପଳାଇଥିଲା ।
ତାଳଚେର: ତାଳଚେରରେ ଜମୁଛି ଗଣେଶ ପୂଜା । ଲାଗି ରହିଛି ଗହଳି ଚହଳି । ସହରରେ ଉତ୍ସବର ମାହୋଲ୍ ରହିଥିବା ବେଳେ ସିରିଜ୍ ଦୁର୍ଘଟଣା ଘଟାଇଛି କାର୍ । ନିଶାସକ୍ତ କାର୍ ଡ୍ରାଇଭର ୨୦ରୁ ଅଧିକ ଗାଡ଼ିକୁ ଧକ୍କା ଦେଇଥିବା ବେଳେ ଏହି ଦୁର୍ଘଟଣାରେ ୧୦ରୁ ଅଧିକ ଲୋକ ଗୁରୁତର ଆହତ ହୋଇଛନ୍ତି । ଆହତଙ୍କୁ ତାଳଚେର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗୁରୁତରଙ୍କୁ ଅନୁଗୁଳ ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି ।
ସୂଚନା ଅନୁସାରେ, ସୁନ୍ଦରଗଡ଼ରେ ପଞ୍ଜିକୃତ ଧଳା ରଙ୍ଗର କାର୍ଟି ହଣ୍ଡିଧୂଆଁ ଆଡ଼ୁ ଦ୍ରୁତଗତିରେ ମାଡ଼ି ଆସିଥିଲା । ପୋଲିସ ବ୍ୟାରିକେଡ୍ ଭାଙ୍ଗିବା ସହ ଅନେକ ଗାଡ଼ିକୁ ଧକ୍କା ଦେଇଥିଲା । ଆଇଟିଆଇ ଛକ ପାଖରେ ମଧ୍ୟ ଏକାଧିକ ଗାଡ଼ିକୁ ପଛରୁ ଧକ୍କା ଦେଇ ବାଇପାସ୍ ଛକ ଆଡ଼କୁ ଖସି ପଳାଇଥିଲା ।
କାର୍ଟି ଏକାଧିକ ଗାଡ଼ିକୁ ଧକ୍କା ଦେବାର ଭିଡିଓ ସିସିଟିଭିରେ ରେକର୍ଡ ହୋଇଛି । ଯେଉଁଥିରେ ଦେଖା ଯାଉଛି କାର୍ଟି ବାଇକ୍ ଓ ସ୍କୁଟିକୁ ପଛରୁ ଧକ୍କା ଦେଉଛି । ଯେଉଁଥିରେ ଲୋକେ ଗାଡ଼ିରୁ ଛିଟକି ତଳେ ପଡ଼ୁଛନ୍ତି । ଆଉ କିଛି ଲୋକଙ୍କୁ କାର୍ ବନେଟରେ କିଛି ଦୂର ଘୋଷାଡ଼ି ନେଇ ଯାଉଛି ।
📱 Get Argus News App
✨
ଏକାଧିକ ଗାଡ଼ିକୁ ଧକ୍କା ଦେଇ କାର୍ଟି ଖସି ପଳାଉଥିବା ବେଳେ ପିଛା କରିଥିଲେ ସ୍ଥାନୀୟ ଲୋକ ଓ ପୋଲିସ । ଶେଷରେ କାର୍କୁ ଗୋଡ଼ିବନ୍ଧ ଅଞ୍ଚଳରୁ ଧରିବାରେ ସଫଳ ହୋଇଛି ପୋଲିସ । କାର୍ ଚାଳକକୁ ପୋଲିସ ଗିରଫ କରି ପଚରାଉଚରା କରୁଛି । କାର୍ର ସମ୍ମୁଖ ଭାଗ କ୍ଷତିଗ୍ରସ୍ତ ହୋଇଛି ।
Related Topics
Explore more stories