କୋରାପୁଟ କେଭିରୁ ତରୁଣ କୁମାର ଦାସ ପାଇବେ ଜାତୀୟ ଶିକ୍ଷକ ପୁରସ୍କାର । ଏଖବର ପରେ ସବୁଠି ଖୁସିର ମାହୋଲ। କୋରାପୁଟ ଜିଲ୍ଲା କେନ୍ଦ୍ରୀୟ ବିଦ୍ୟାଳୟର ପ୍ରାଥମିକ ଶିକ୍ଷକଅରୁଣ କୁମାର ଦାସ । କୋରାପୁଟ ଭଳି ଏକ ଆଦିବାସୀ ଅଧ୍ୟୁଷିତ ଅଞ୍ଚଳରେ ଗୁଣାତ୍ମକ ଶିକ୍ଷାର ପ୍ରଚାର ପ୍ରସାର ପାଇଁ ସମ୍ମାନିତ କରାଯିବ । ସମାଜରେ କୁସଂସ୍କାର ଦୂର କରିବାରେ ଅନବରତ ଚେଷ୍ଟା କରି ଆସୁଛନ୍ତି ତରୁଣ ସାର ।

ତରୁଣ ସାରଙ୍କ ୭ କ୍ଷୁଦ୍ର ଚଳଚିତ୍ର ଜାତୀୟ ସ୍ତରରେ ପୂର୍ବରୁ ପୁରସ୍କୃତ ହୋଇଛି । ପିଲାଙ୍କ ମାନସିକ ଏବଂ ଶାରୀରିକ ସ୍ତରରେ 'ମଣ୍ଡେ ମିଲେଟ ଡେ ' ଭଳି ଅଭିଯାନ ଆରମ୍ଭ କରିଛନ୍ତି । ପିଲାଙ୍କ ସ୍କୁଲ ବ୍ୟାଗର ଓଜନ ହ୍ରାସ କରିବା ପାଇଁ ଚେଷ୍ଟା ଜାରି ରଖିଛନ୍ତି ତରୁଣ ସାର । ଶିକ୍ଷାକ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ, କେନ୍ଦ୍ର ଶିକ୍ଷାମନ୍ତ୍ରୀଙ୍କ ଠାରୁ ୨୦୨୩ରେ ପୁରସ୍କୃତ ହୋଇଥିଲେ ।