ବଲାଙ୍ଗିର:  ସାଲାଇନ ଲଗାଇ ସ୍କୁଲକୁ ଗଲେ ଶିକ୍ଷକ । ପାଟଣାଗଡ ବ୍ଲକ ଆଦର୍ଶ ବିଦ୍ୟାଳୟରୁ ଆସିଲା କିଛି ଏଭଳି ଚିତ୍ର । ଯାହା ଦେଖି ସମସ୍ତେ ଆଶ୍ଚର୍ଯ୍ୟ । କାହିଁକି ଏପରି କଲେ ଶିକ୍ଷକ ଜଣଙ୍କ। କଣ ହୋଇଥିଲା ତାଙ୍କର ? ଏଭଳି କରିବାର ଉଦେଶ୍ୟ କଣ ବୋଲି ଆଲୋଚନା ହେଉଛି। ପ୍ରକୃତରେ ଦେହ ଖରାପ ଥିବାରୁ ସାଲାଇନ ଲଗାଇ ସ୍କୁଲକୁ ଗଲେ ଗଣିତ ଶିକ୍ଷକ ପ୍ରକାଶ ଭୋଇ । ତେବେ ଶିକ୍ଷକଙ୍କ ଅଜାଙ୍କ ଦେହାନ୍ତ ହୋଇଥିଲା, ସେଥିପାଇଁ ସେ ପ୍ରିନ୍ସିପାଲଙ୍କୁ ଛୁଟି ମାଗିଥିଲେ । ସ୍କୁଲରେ ପରୀକ୍ଷା କାମ ଥିବାରୁ ପ୍ରିନ୍ସିପାଲ ବଲାଙ୍ଗିର ଡିଇଓ ଅଫିସକୁ ଆସ ନହେଲେ ଅନ୍ୟ ଶିକ୍ଷକଙ୍କୁ ପଠାଅ ବୋଲି କହିଥିଲେ ।

ଶିକ୍ଷକ ଜଣକ ତାଙ୍କ ଅଜାଙ୍କ ଶେଷକୃତ୍ୟ ସାରି ସ୍କୁଲ କାମରେ ଡିଇଓ କାର୍ଯ୍ୟାଳୟକୁ ଯାଇଥିଲେ । ହେଲେ ପରେ ଅସୁସ୍ଥତା ଅନୁଭବ କରିବାରୁ ପୁଣି ପ୍ରିନ୍ସିପାଲଙ୍କୁ ଛୁଟି ମାଗିଥିଲେ, କିନ୍ତୁ ଛୁଟି ମିଳିନଥିଲା । ତେଣୁ ସେ ସାଲାଇନ ଲଗାଇ ସ୍କୁଲରେ ପହଁଚିଥିଲେ । ଏଭଳି ଅଭବାନୀୟ ପରିସ୍ଥିତ ପରେ ତାଙ୍କୁ ଶେଷରେ ଛୁଟି ମିଳିଥିଲା । ତେବେ ବଡ ପ୍ରଶ୍ନ ଉଠୁଛି ଯଦି ଶିକ୍ଷକଙ୍କର କିଛି ହୋଇଯାଇଥାନ୍ତା, ଦାୟୀ କିଏ ରହିଥାନ୍ତେ ? କାହିଁକି ଏଭଳି କଲେ ପ୍ରିନ୍ସପାଲ। ପ୍ରିନ୍ସପାଲଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯିବ କି ବୋଲି ସାଧାରଣରେ ପ୍ରଶ୍ନ ଉଠୁଛି।

ଅଧିକ ପଢ଼ନ୍ତୁ ଓଡିଶା ଖବର: