Teacher Death / ସ୍ୱାଧୀନତା ଦିବସରେ ସ୍କୁଲରେ ଶୋକ, ପତାକା ବାନ୍ଧୁଥିବାବେଳେ ଟଳିପଡ଼ିଲେ ଶିକ୍ଷକ

ସ୍କୁଲରେ ପତାକା ଉତ୍ତୋଳନ ପୂର୍ବରୁ ଘଟିଲା ବଡ଼ ଅଘଟଣ... ପତାକାକୁ ଧରି ଛଟପଟ ହୋଇ ମରିଗଲେ ଶିକ୍ଷକ । ସ୍କୁଲରେ ଅଟକି ଗଲା ପତାକା ଉତ୍ତୋଳନ । ଛାତିକୁ ପିଟି କାନ୍ଦୁଛନ୍ତି ସମସ୍ତେ । ଆଖିରୁ ଝରି ପଡ଼ୁଛି ଧାର ଧାର ଲୁହ । କାରଣ ସ୍ବାଧୀନତା ଦିବଶରେ ଘଟିଯାଇଛି ବଡ଼ ଅଘଟଣ । ସବୁ ଖୁସି ଲହୁରେ ପରିଣତ ହୋଇଛି । ଅକାଳରେ ଚାଲି ଯାଇଛି ଶିକ୍ଷକଙ୍କ ଜୀବନ । ଜାତୀୟ ପତାକାକୁ ଧରି ଟଳି ପଡ଼ିଛନ୍ତି । ସ୍କୁଲ ପଡ଼ିଆରେ ହିଁ ଛଟପଟ ହୋଇ ଚାଲି ଯାଇଛି ତାଙ୍କର ଜୀବନ ।

କେହି ଭାବି ନଥିଲେ କି ଏମିତ ସବୁ ହୋଇଯିବ ବୋଲି । ସକାଳୁ ସକାଳୁ ସ୍କୁଲ ଆସିଥିଲେ । ସ୍ବାଧୀନତା ଦିବସ ବେସ ଖୁସିରେ ପାଳନ କରିବାକୁ ଚାହିଁଥିଲେ । କିନ୍ତୁ ସ୍କୁଲ ପଡ଼ିଆରେ କାଳ ହୋଇ ଜଗି ବସିଥିଲା ମୃତ୍ୟୁ । ହଟାତ ଆସିଲା ଆଉ ସାଙ୍ଗରେ ନେଇ ଚାଲିଗଲା । ପତାକା ପୋତିବାପାଇଁ ଲୁହା ଖଣ୍ଟକୁ ନେଉଥିବା ବେଳେ ତାର ଲାଗି ଯାଇଥିଲା । ଫଳରେ ସେହି ସ୍ଥାନରେ ହିଁ ଟଳି ପଡ଼ିଥିଲେ ସ୍କୁଲର ଖେଳ ଶିକ୍ଷକ ।

କାନ୍ଦ ବୋବାଳିରେ ଫାଟି ପଡ଼ୁଛି ପୁରା ସ୍ଥାନ । ପୁରା ପରିବାର ରାସ୍ତା ଉପରେ ଛାତିକୁ ପିଟି ମୁଣ୍ଡକୁ ବାଡ଼େଇ କାନ୍ଦୁଛନ୍ତି । ଘରର ରୋଜଗାରିଆ ପୁଅର ଆଜି ମୃତ୍ୟୁ ହୋଇଛି । ସ୍ବାଧୀନତା ଦିବସ ପାଳିବାକୁ ଆସିଥିବା ପୁଅ ଆଜି ସମସ୍ତଙ୍କୁ ଛାଡ଼ି ଆରପାରିକୁ ଚାଲି ଯାଇଛି । ମା କଣ ଏତେ କଷ୍ଟକୁ ସହିପାରିବ । ମୃତକଙ୍କ ସ୍ତ୍ରୀଙ୍କ ମୁଣ୍ଡ ବି କିଛି କାମ କରୁ ନାହିଁ । ତାଙ୍କର ଦୁଇଟି ସନ୍ତାନ ମଧ୍ୟ ଆଜି ବାପ ଛେଉଣ୍ଡ ହୋଇ ଯାଇଛନ୍ତି । ଏମିତି ଦୃଶ୍ୟକୁ ଦେଖିଲା ପରେ କାହାରି ଆଖିରୁ ଲୁହ ଅଟକୁ ନାହିଁ ।

ଯଦି ଦେଖିବା ବାଲେଶ୍ଵର ଜିଲ୍ଲା ସିମୁଳିଆ ଥାନା ଅଧିନ ମଇତାପୁର ସ୍ତିତ ରୟାଲ ସ୍କୁଲରେ ଏମିତି ଅଘଟଣ ଘଟି ଯାଇଛି । ସ୍କୁଲର ଖେଳ ଶିକ୍ଷକ ସ୍କୁଲରେ ପତାକା ବାନ୍ଧୁଥିବା ସମୟରେ ୧୧କେଭି ବିଦ୍ୟୁତ ତାରରେ ଲୁହା ପାଇପ ଲାଗି ଯାଇଥିଲା । ଯାହାର ସଂସ୍ପଶରେ ଆସି ମୃତ୍ୟୁ ବରଣ କରିଛନ୍ତି ଖେଳ ଶିକ୍ଷକ । ଏହାସହ ସ୍କୁଲର ୨ଜଣ ଛାତ୍ର ଆହତ ହୋଇ ସିମୁଳିଆ ମେଡିକାଲରେ ଭର୍ତ୍ତି ହୋଇଛନ୍ତି । ମୃତ ଶିକ୍ଷକଙ୍କ ନାମ ହେଉଛି ପ୍ରିୟବ୍ରତ ବେହେରା । ସେପଟେ ଘଟଣା ସ୍ଥଳରେ ପୋଲିସ ପହଞ୍ଚି ଆରମ୍ଭ କରିଛି ତଦନ୍ତ ।