ନାବାଳକ ପ୍ରେମିକର ହାଇଡ୍ରାମା... ପ୍ରେମ ପାଇଁ ଗଛ ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ନାବାଳକ । ଅନୁଗୁଳ ଅମଲପଡା ଠାରେ ଥିବା ବାଳାଶ୍ରମରେ ଘଟିଛି ଘଟଣା । ପୋଲିସ ଓ ଅଗ୍ନିଶମ ବାହିନୀ ନାବାଳକଙ୍କୁ ଉଦ୍ଧାର କରିଛି । ଗତ ରବିବାର ପ୍ରେମୀ ଯୁଗଳ ଟ୍ରେନ ଯୋଗେ ତାମିଲନାଡୁ ଯାଉଥିବା ବେଳେ ସେମାନଙ୍କୁ ଚାଇଲଡ଼ ଲାଇନ ଉଦ୍ଧାର କରି ବାଳାଶ୍ରମ ଓ ଶଖୀ ସେଣ୍ଟରରେ ରଖିଥିଲା।

ସୂଚନାନୁଯାୟୀ, ପ୍ରେମ ପାଇଁ ପ୍ରାୟ ୧୦୦ ଫୁଟ ଉଚ୍ଚ ପଟାସ ଗଛର ଶୀର୍ଷରେ ଚଢିଗଲା ନାବାଳକ । ପ୍ରେମିକାକୁ ନଡାକିଲେ ଗଛ ଉପରେ ଗାମୁଛା ଲଗାଇ ଆତ୍ମହତ୍ୟା କରିବାକୁ ଦେଲା ଧମକ । ପ୍ରାୟ ଦେଢ ଘଣ୍ଟା ଯାଏଁ ସମସ୍ତଙ୍କୁ କଲା ନାକେଦମ୍ । ମଙ୍ଗଳବାର ସକାଳେ ଅନୁଗୁଳ ସହରରେ ଏଭଳି ଘଟଣା ଚର୍ଚ୍ଚାର ବିଷୟ ପାଲଟିଛି । ଦମକଳ ବାହିନୀ, ପୁଲିସ୍ ଓ ଅନୁଗୁଳ ପୌରପାଳିକା ଟିମ୍ ପହଞ୍ଚି ପ୍ରେମିକାକୁ ଦେଖା କରାଇଦେବାକୁ ବୁଝାଛି ।

ରେଢ଼ାଖୋଲ ଅଞ୍ଚଳର ଜଣେ ନାବାଳକ କିଛି ଦିନ ତଳେ ନିଜ ପ୍ରେମିକା ସହ ଘରୁ ଫେରାର ହୋଇଯାଇଥିଲା । ରେଲୱେ ପୁଲିସ ଉଭୟଙ୍କୁ ଉଦ୍ଧାର କରି CWCରେ ହାଜର କରାଇଥିଲା । CWC ପକ୍ଷରୁ ନାବାଳକକୁ ଅନୁଗୁଳ ଅମଲାପଡ଼ାରେ ଥିବା ଉତ୍କଳ ବାଳାଶ୍ରମରେ ରଖାଯାଇଥିଲା । ସେହିପରି ପ୍ରେମିକାକୁ ସଖୀ କାଉନସେଲିଂ ସେଣ୍ଟରରେ ରଖାଯାଇଥିଲା। ମଙ୍ଗଳବାର ଭୋରୁ ଭୋରୁ ନାବାଳକ ଜଣଙ୍କ ଉତ୍କଳ ବାଳାଶ୍ରମ ପରିସରରେ ଥିବା ପଟାସ୍ ଗଛରେ ଚଢ଼ି ଯାଇଥିଲା । ପ୍ରେମିକାକୁ ଡାକିବାକୁ ଜିଦ୍ ଧରିଥିଲା।

ଏପରିକି ପ୍ରେମିକାକୁ ନଡାକିଲେ ଗଛ ଉପରେ ଗାମୁଛା ଲଗାଇ ଆତ୍ମହତ୍ୟା କରିବ ବୋଲି ଧମକ ଦେଇଥିଲା । ପ୍ରାୟ ଦେଢ ଯାଏଁ ନାବାଳକ ଜଣଙ୍କ ସମସ୍ତଙ୍କୁ ନାକେଦମ୍ କରିଥିଲା। ଦମକଳ ବାହିନୀ, ପୁଲିସ୍ ଓ ଅନୁଗୁଳ ପୌରପାଳିକା ଟିମ୍ ପହଞ୍ଚି ପ୍ରେମିକାକୁ ଦେଖା କରାଇଦେବାକୁ କହି ବହୁ ବୁଝାସୁଝା କରାଇବା ପରେ ନାବାଳକ ତଳକୁ ଓହ୍ଲାଇଥିଲା ।