ଜମି ମ୍ୟୁଟେସନ୍‌ରେ ତ୍ରୁଟି ଯୋଗୁ ନିଲମ୍ବିତ ହେଲେ ତହସିଲଦାର

ସମ୍ବଲପୁର କୁଚିଣ୍ଡା ତହସିଲଦାର ମିତାଲି ମଧୁସ୍ମିତା ଦଳେଇ ନିଲମ୍ବିତ । ଜମି ମ୍ୟୁଟେସନ୍‌ରେ ତ୍ରୁଟି ଯୋଗୁ ହୋଇଛି କାର୍ଯ୍ୟାନୁଷ୍ଠାନ । ମିତାଲି ମଧୁସ୍ମିତାଙ୍କୁ ନିଲମ୍ବିତ କଲେ ରାଜସ୍ବ ବିଭାଗ । ମ୍ୟୁଟେସନସନରେ ତ୍ରୁଟି ସଂପର୍କରେ ମୁଖ୍ୟମନ୍ତ୍ରୀ, ରାଜସ୍ବ ବିଭାଗ ନିକଟରେ ହୋଇଥିଲା ଅଭିଯୋଗ । ତଦନ୍ତ ପରେ ଅଭିଯୋଗ ସତ୍ୟତା ଥିବା ଜଣାପଡ଼ିବା ପରେ ତହସିଲଦାରଙ୍କ ବିରୋଧରେ କାର୍ଯ୍ୟାନୁଷ୍ଠାନ ହୋଇଛି ।

କିଛିଦିନ ବ୍ୟବଧାନ ମଧ୍ୟରେ ମିତାଲି ମଧୁସ୍ମିତା ସମ୍ବଲପୁର ଜିଲ୍ଲାର ଦ୍ବିତୀୟ ତହସିଲଦାର ଭାବେ ନିଲମ୍ବିତ ହୋଇଛନ୍ତି। ଏହା ପୂର୍ବରୁ ବାମରା ତହସିଲଦାର ତଥା ୨୦୧୯ ବ୍ୟାଚ୍ ଓଏଏସ୍ ଟପର୍‌ ଅଶ୍ଵିନୀ ପଣ୍ଡା ୧୫ ହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ି ଜେଲ ଯାଇଥିଲେ ।