କାଳ ବୈଶାଖି ପରେ ରାଜ୍ୟରେ ପାରଦ ଉପରମୁହାଁ । ଅସହ୍ୟ ତାତି । ସକାଳ 8 ଟା ପରେ ଘରୁ ବାହାରିବା ମୁସକିଲ୍ ହୋଇପଡୁଛି । ପ୍ରବଳ ଗରମରେ ଆଉଟୁ ପାଉଟୁ ସଧାରଣ ଲୋକଙ୍କଠାରୁ ଜୀବଜନ୍ତୁ । ଆଜି ଦିନ 2ଟା 30 ସୁଦ୍ଧା 44ଡ଼ିଗ୍ରୀ ଅତିକ୍ରମ କଲା ତାତି । ସେପଟେ ଝାରସୁଗୁଡା ସବୁଠୁ ଉତପ୍ତ । ଝାରସୁଗୁଡାରେ 44.8°C ତାପମାତ୍ରା ରେକର୍ଡ ହୋଇଛି । ଆଗାମୀ 4 ଦିନରେ ପୂର୍ବ ଭାରତର ରାଜ୍ୟ ଗୁଡିକରେ ସର୍ବୋଚ୍ଚ ତାପମାତ୍ରାରେ 4 ରୁ 6 ଡ଼ିଗ୍ରୀ ବୃଦ୍ଧି ସମ୍ଭାବନା ରହିଛି ।

ଉପକୂଳ ଓଡ଼ିଶାରେ ଆଜି ଦିନ 2ଟା 30 ସମୟରେ କେଉଁଠି କେତେ ଆଦ୍ରତା ରେକର୍ଡ

ପୁରୀ : ~72%

ଗୋପଳପୁର : ~72%

ପାରାଦ୍ୱୀପ : ~70%

ବାଲେଶ୍ୱର :~ 62%

ଭୁବନେଶ୍ୱର : ~62%

ଚାନ୍ଦବାଲି : ~59%

ସେହିପରି ଆଜି ଦିନ 2ଟା 30 ସୁଦ୍ଧା ରେକର୍ଡ ତାପମାତ୍ରା

ଝାରସୁଗୁଡା 44.8°C

ସମ୍ବଲପୁର 42.6°C

ହୀରାକୁଦ 41.8°C

ରାଉରକେଲା 41.2°C

କେନ୍ଦୁଝର 37.8°C

ଚାନ୍ଦବାଲି 37.6°C

ବାଲେଶ୍ୱର 36.2°C

ଭୁବନେଶ୍ୱର 35.2°C ରେକର୍ଡ ନେଇ ପାଣିପାଗ ବିଜ୍ଞାନୀ ଉମାଶଙ୍କର ଦାସ ସୋସିଆଲ ମିଡିଆ X ରେ ସୂଚନା ଦେଇଛନ୍ତି । 

ସେହିପରି ଆସନ୍ତାକାଲି କୋରାପୁଟ, ମାଲକାନଗିରି ଓ ନବରଙ୍ଗପୁରର ଗୋଟେ କିମ୍ବା ଦୁଇଟି ସ୍ଥାନରେ ବିଜୁଳି ଘଡଘଡି ବର୍ଷା ସହ ୩୦ ରୁ ୪୦ କିମି ପବନ ବହିବାର ସମ୍ଭାବନା ଦେଇଛି ପାଣିପାଗ ବିଭାଗ ।୨୨ ରୁ ବର୍ଷାର ପରିମାଣ କମିବ । ମୁଖ୍ୟତଃ ପାଗ ଶୁଖିଲା ରହିବ । ୨୨ରେ ୭ ଜିଲ୍ଲାକୁ ହିଟ୍ ୱେଭ୍ ସହ ୧୧ ଜିଲ୍ଲାକୁ ଉଷ୍ମ ଓ ଆଦ୍ର ସ୍ଥିତି ପାଇଁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ଵିଭାଗ । ୨୫ ତାରିଖ ଯାଏ ଗ୍ରୀଷ୍ମ ପ୍ରବାହ ସହ ଉଷ୍ମ ଓ ଆଦ୍ର ସ୍ଥିତି ଜାରି ରହିବ ।