ବଳଙ୍ଗା ନାବାଳିକାଙ୍କୁ ଜାଳିଦେବା ଘଟଣାର ତୃତୀୟ ଦିନରେ ତନାଘନା । କିଏ, କାହିଁକି ଓ କେମିତି ତାକୁ ନେଇ ଗ୍ରାଉଣ୍ଡରେ ଚାଲିଛି ଛାନଭିନ୍ । ପୀଡିତା ଅଷ୍ଟମ ଶ୍ରେଣୀରେ ପାଠ ପଢୁଥିବା ସମୟର ସାଙ୍ଗ ମାନଙ୍କୁ ବଳଙ୍ଗା ଥାନାକୁ ଡାକି ପଚରାଉଚରା କରୁଛି ପୋଲିସ୍ । ପୀଡିତାଙ୍କ ଦାଦା ପୁଅ ସହ ଅନେକ ଲୋକଙ୍କୁ ମଧ୍ୟ ପଚରାଉଚରା ଚଳାଇଛି ପୋଲିସ୍।

ସେପଟେ ବିଳମ୍ବିତ ରାତିରେ ପୀଡ଼ିତାଙ୍କ ଘର ସହ ସମ୍ପର୍କୀୟଙ୍କ ଘରେ ଛାନଭିନ୍ କରିଛି ସ୍ପେସାଲ ସ୍କ୍ବାର୍ଡ ଟିମ୍ । ରାତି ସାରା ବଳଙ୍ଗା ଅଞ୍ଚଳରେ ପାଟ୍ରୋଲିଂ କରିଛି ପୋଲିସ୍ । ଗତକାଲି ଘଟଣାସ୍ଥଳ, ପୀଡ଼ିତାଙ୍କ ଘର ଓ ଗ୍ୟାରେଜକୁ ଯାଇ ତଦନ୍ତ କରିଛି ସ୍ପେଶାଲ୍ ସ୍କ୍ବାର୍ଡ । ଘଟଣା ଘଟାଇଥିବା ଦୁର୍ବୃତ୍ତଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ ଚାଲିଛି ।