ରାଜ୍ୟ ସରକାର ୨୮ଟି ନୂଆ NAC ଘୋଷଣା କରିବା ପରେ ଜୋର ଧରିଲା ରାଜନୀତି । ଏହାକୁ ପୁନଃ ଘୋଷଣା ବୋଲି କହିଛି ବିଜେଡି । ପୂର୍ବ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୫୬ଟି NAC ଘୋଷଣା କରିଥିଲେ। ଏବେ ସେଥିରୁ ୧୬ ଜିଲ୍ଲାର ୪୨ଟି ସହର ବାଦ୍ ଦେଇଛନ୍ତି ବିଜେପି ସରକାର । ଏବେ ଯେଉଁ ୨୮ ଟି ଘୋଷଣା ହୋଇଛି ସେଥିରେ ପୂର୍ବ ଘୋଷଣାର ମାତ୍ର ୧୨ଟି NAC ସ୍ଥାନ ପାଇଛି ।

ବାଦ୍ ପଡ଼ିଥିବା ୪୨ଟି NAC ସମ୍ପର୍କରେ ତୁରନ୍ତ ଗେଜେଟ ବିଜ୍ଞପ୍ତି ପ୍ରକାଶ ନକେଲ ଆନ୍ଦୋଳନ ଚେତାବନୀ ଦେଇଛି ବିଜେଡି। ଜବାବରେ ନଗର ଉନ୍ନୟନ ମନ୍ତ୍ରୀ କହିଛନ୍ତି ନବୀନଙ୍କ ଅମଳରେ ଥିଲା କେବଳ ଭୋଟ ରାଜନୀତି । ଏବେ ଯେଉଁଠି ଦରକାର ଥିଲା ତା' ପାଇଁ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ।

୨୦୨୪ ନିର୍ବାଚନ ପୂର୍ବରୁ ନୂଆ NAC ଗଠନ ପାଇଁ ରାଜ୍ୟର ବିଭିନ୍ନ ସ୍ଥାନରୁ ଉଠିଥିଲା ଦାବି । ବଢୁଥିବା ଜନ ଅସନ୍ତୋଷ ଚାପ ସୃଷ୍ଟି କରିବା ପରେ ୫୬ଟି ନୂଆ NAC ଘୋଷଣା କରିଥିଲେ । କିନ୍ତୁ କୌଣସି ନିର୍ଦ୍ଦିଷ୍ଟ ନୀତି ବା ଗାଇଡ୍ ଲାଇନକୁ ଆଖି ଆଗରେ ରଖି ଘୋଷଣା କରାଯାଇନଥିବା କହିଲେ ନଗର ଉନ୍ନୟନ ମନ୍ତ୍ରୀ । ଯେଉଁଥିପାଇଁ ପୁଣି ଥରେ ଜିଲ୍ଲାପାଳଙ୍କୁ ରିପୋର୍ଟ ମାଗିବା ସହ ଲୋକଙ୍କ ଆବଶ୍ୟକତା ଦେଖି ୨୮ଟି ନୂଆ NAC ଘୋଷଣା କରିଛନ୍ତି ସରକାର ।