ଅନ୍ତଦ୍ୱୟ ଗୃହ ଯୋଜନା ରେ ପକ୍କା ଘର ଯୋଗାଇବେ ସରକାର । ପ୍ରାକୃତିକ ଓ ମନୁଷ୍ୟକୃତ କ୍ଷତି, ସରକାରୀ ପ୍ରକଳ୍ପ ଦ୍ବାରା ବିସ୍ଥାପିତ, ଜଙ୍ଗଲ ଅଧିକାର ଆଇନ ହିତାଧିକାରୀ ପରିବାର ଏବଂ ପ୍ରଚଳିତ ଗୃହ ନିର୍ମାଣ ଯୋଜନାରେ ଉପକୃତ ହୋଇ ନଥିବା ଯୋଗ୍ୟ ପରିବାର ଲୋକ ଙ୍କୁ ମିଳିବ ପକ୍କା ଘର । ପ୍ରଧାନମନ୍ତ୍ରୀ ଆବାସ ଘର ଭଳି 1 ଲକ୍ଷ 20 ହଜାର ଟଙ୍କା ମିଳିବ । 2 ଲକ୍ଷ 25 ହଜାର ଘର ତିଆରି କରିବେ ସରକାର । 4 ମାସ ଭିତରେ ଘର ଶେଷ ହେଲେ 20 ହଜାର 6 ମାସ ରେ ସରିଲେ 10 ହଜାର
ଟଙ୍କା ମିଳିବ । ପକ୍କା ଘର ପାଇଁ ସଂଜ୍ଞା କୁ ସରଳି କରଣ କରାଯିବ। ଆଜବେଷ୍ଟ, ଟିଣ ଓ ଟାଇଲ ଛାତ ଘର କୁ କଚା ଘର ଘର ମାନ୍ୟତା ମିଳିବ । ଏଥିପାଇଁ ଖର୍ଚ୍ଚ ହେବ 7 ହଜାର 550 କୋଟି ଟଙ୍କା ।

ନୂଆ ଯୋଜନାକୁ ରାଜ୍ୟ କ୍ୟାବିନେଟର ମୋହର ପରେ ଦୀର୍ଘ ବର୍ଷ ହେବ ପକ୍କା ଘର ଅପେକ୍ଷାରେ ଥିବା ଲୋକଙ୍କ ମୁହଁରେ ହସ ଫୁଟିଛି । ନୂଆ ସରକାର ଗରିବଙ୍କ ପକ୍କା ଘର ସ୍ବପ୍ନ ପୂରଣ କରିବେ ବୋଲି କହିଛନ୍ତି ଲୋକେ । ବିଜେଡି ସରକାରରେ ଦଳୀୟ ଭିତ୍ତିରେ ପକା ଘର ବଣ୍ଟାଯିବା ସହ ଦୁର୍ନୀତିର ଅନେକ ଅଭିଯୋଗ ରହିଥିଲା । ପକା ଘର ପାଇଁ ମାହାଙ୍ଗା ମର୍ଡର ରାଜ୍ୟ ରାଜନୀତିକୁ ସରଗରମ କରିଥିଲା ।

ବିଜୁ ପକ୍କା ଘର ର ଲୋଗୋ ରାଜନୀତି ହେଉ କିମ୍ବା ଭୋଟ ପୂର୍ବରୁ ମୋ ଘର ସ୍କିମ ଲୋକଙ୍କ କଚା ଘର ଦୁଃଖ ଲାଘବ ବଦଳରେ କଟା ଘାରେ ଚୂନ ବୋଳିବା ଭଳି ହୋଇଥିଲା । ଦେଖିବାର କଥା ନୂଆ ଯୋଜନା କେତେ ପ୍ରକୃତ ହିତାଧିକାରୀଙ୍କ ପାଖରେ ପହଁଚି ପାରୁଛି ।

Argus News | argus news | Odisha Latest News, Breaking News, Trending News, Live TV