କଟକ: କଟକ ମହାନଦୀ ଘାଟରୁ ଉଦ୍ଧାର ହୋଇଥିବା ନାବାଳକର ମୃତଦେହର ମିଳିଲା ପରିଚୟ । ମୃତକ ହେଉଛନ୍ତି ମଙ୍ଗଳାବାଗ ଅଞ୍ଚଳର ଗତେଶ୍ୱର ଓଝା । ତାଙ୍କୁ ୧୩ ବର୍ଷ ବୟସ ହେବ ବୋଲି ସୂଚନା ମିଳିଛି । କାଳିଆବୁଦା ମଶାଣି ପଛପଟ ମହାନଦୀ ଘାଟରୁ ଆଜି ତାଙ୍କର ମୃତଦେହ ଉଦ୍ଧାର କରାଯାଇଥିଲା । ନାବାଳକଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଛି । 

ଚାଉଳିଆଗଞ୍ଜ ପୋଲିସ ପହଞ୍ଚି ମୃତଦେହ ଉଦ୍ଧାର କରି ପୋଷ୍ଟମର୍ଟମ ପାଇଁ ମେଡ଼ିକାଲ ପଠେଇଛି । ମଙ୍ଗଳାବାଗ ଥାନା ପୋଲିସ ଏହି ମାମଲାର ତଦନ୍ତ ଆରମ୍ଭ କରିଛି । ତେବେ ଗତକାଲି ଠାରୁ ନିଖୋଜ ଥିଲେ ମୃତ ନାବାଳକ ।