ଦୁର୍ଗମର ବିକାଶ ପାଇଁ ସରକାର ଖର୍ଚ୍ଚ କରୁଛନ୍ତି କୋଟି କୋଟି ଟଙ୍କା । ହେଲେ ବିଭାଗୀୟ ଅଧିକାରୀଙ୍କ ମଧୁଚନ୍ଦ୍ରିକା ଯୋଗୁଁ ଅତି କମ ଦିନ ମଧ୍ୟରେ ନଷ୍ଟ ହୋଇଯାଉଛି ସରକାରଙ୍କ ବିଭନ୍ନ ପ୍ରକଳ୍ପ । ଏ ଦୃଶ୍ୟ ହେଉଛି କଳାହାଣ୍ଡି ଥୁଆମୂଳ ରାମପୁର ବ୍ଲକ ବିରିକୋଟ ପଞ୍ଚାୟତର । ବଳଙ୍ଗି ଓ ତେନ୍ତୁଳି ପଦର ଗାଁ ମଝିରେ ଦେଇ ଯାଇଛି ଏକ ନାଳ । ଏହି ନାଳ ପାଇଁ ଉଭୟ ଗାଁକୁ ଯୋଗାଯୋଗ ବିଚ୍ଛିନ୍ନ ହେଇଥିଲା । ଲୋକ ଯିବା ଆସିବା ପାଇଁ ଅନେକ ଅସୁବିଧାର ସମ୍ମୁଖୀନ ହେଉଥିଲା । ତେଣୁ ଏକ ପୋଲ ନିର୍ମାଣ ପାଇଁ ୧୦ ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଥିଲା । ହେଲେ ଲୋକେ ପୋଲ ଉପରେ ଚାଲିବା ପୂର୍ବରୁ ପୋଲ ସବୁ ଧୋଇ ହୋଇଯାଇଛି । ହେଲେ ବିଭାଗୀୟ ଅଧିକାରୀଙ୍କ ଠିକାଦାର ପ୍ରୀତି ଯୋଗୁଁ ନିମ୍ନମାନର କାମ ହେଉଥିବା ସ୍ଥାନିୟ ଲୋକେ ଅଭିଯୋଗ କରିଛନ୍ତି ।

ସେପଟେ ବଲଙ୍ଗି ଗାଁରେ ଛାତ୍ରଛାତ୍ରୀଙ୍କ ପାଠ ପଢିବା ପାଇଁ ୧୯୯୬ ମସିହାରେ ଏକ ବିଦ୍ୟାଳୟ କୋଠା ନିର୍ମାଣ ହୋଇଥିଲା। ଯାହା ବିପଦ ସଂକୁଳ ଅବସ୍ଥାରେ ରହିଥିବା । ୧ ଲକ୍ଷ ୩୦ ହଜାର ଟଙ୍କାରେ ଟଙ୍କାରେ ଏକ ନୂତନ ସ୍କୁଲ ଗୃହ ନିର୍ମାଣ କରାଯାଇଥିଲା । ହେଲେ ଦୁର୍ଭାଗ୍ୟର ବିଷୟ ନିର୍ମାଣର କିଛି ଦିନ ପରେ ସ୍କୁଲରେ ପଡିଥିବା ଟିଣ ଉଡି ଯାଇଛି ।

ଛାତରେ ନିମ୍ନମାନର ଟଣ ଦିଆଯାଇଥିବା ବେଳେ ନିମ୍ନ ମାନର କାମ ହୋଇଥିଲା ଅଭିଯୋଗ ହୋଇଛି । ଅନ୍ୟ ପକ୍ଷରେ ଦୁର୍ନୀତିକୁ ଚପାଇ ଦେବା ପାଇଁ ସୂଚନା ଫଳକ କୁ ମଧ୍ୟ ଭାଙ୍ଗି ଦିଆଯାଇଛି । ଦୁର୍ଗମ ଅଞ୍ଚଳରେ ସରଳ ଆଦିବାସୀଙ୍କୁ ଠକିବାରେ ବ୍ୟସ୍ତ ସରକାରୀ ଅଧିକାରୀ ଓ ଠିକାଦାର । ଘଟଣାର ତଦନ୍ତ କରି ସଂପୃକ୍ତ ଅଧିକାରଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି ।

ଅଧିକ ପଢ଼ନ୍ତୁ ଓଡିଶା ଖବର: